εïз• سـ ـوالـ ـف |n| مـ ـطـ ـبـ ـخـ ـيـ ـة •εïз

[*العنا*]

.•.°.•ஐ•||[ بسم الله الرحمن الرحيم ]||•ஐ.•.°.•


.•.°.•ஐ•||[ السلام عليكم و رحمة الله و بركاتة ]||•ஐ.•.°.•


شخباركم / شعلومكم / شمسوين ^^


:


εïз• سـ ـوالـ ـف |N| مـ ـطـ ـبـ ـخـ ـيـ ـة •εïз


:






عندي فكــرة !
و الفكرة بسيطة / منها نفيد و نستفيد


للي يدخل المطبخ و اللي ما يدخل / أكيد كلنا صارت لنا مواقف و إلا أحداث
و إلا شي يحكك بخاطرك و ودك تستفيد من الغير / منها نفيد و نستفيد / و نتعلم من بعضنا / خصوصاً في الطبخ/ بالنسبة لي أحب أعرف عن تجارب غيري و أسأل عشان أطور من طبخي و أستفسر شكثر / و منها نتسلى مع بعض و نعرف أكثر عن بعضنا في الطبخ و الأكل ...


وش رايكم ..


اللي عجبته فكرتي / يحط سالفة / فكرة / معلومة / مقلب / سؤال / استفسار
اي شي يحكه في خاطره و اذا ما عنده / يفيدنا بمعلومة و الا نشجع بعضنا في شي معين ^^


و اللي ما عجبته فكرتي / اتمنى تعجبه »غصب السالفة



و أتمنى نتفاعل مع بعضنا ..
خالص ودي و إحترامي ..


العنا .

* ملاحظة / اللي عنده فقرة أتمنى يعنونها
عشان تكون عند اللي يقرأ فكرة مبدئية !

[*العنا*]

ابدي أول

..

{ بسم الله ....

أنا و أمي ..

















لما أكون وحدة من بنات أمي / في مشكلة كبيرة إنك تتعلمين الطبخ في سن صغيرة ..
بـ إختصار ..
صارت لما تطلع و الا تنشغل استلم المطبخ و اشتغل بلللي عندي بعدها صارت تعتمد علي بنسبة ..


امي الله يحفظها / فيها السكري / الله يشافيها !

أكثر شي يعجبني فيها ..

لما اسوي حلا و الا كيك ..

ببراءة تجي تسألني : سويتي لي بدون سكر !

طبعاً امي لما تقول بدون سكر / تقصد و لا حبة سكر فيه / اذا الشي فيه سكر تعيفه ما تبيه ..

الكسترد و يصير بدون سكر ..
حتى حلا السينابون تركت الحليب المركز و السكر و اخترعت عشانها طريقة بدون سكر و لله الحمد ضبطت وياي ..
بس بعض الحلويات ما تصير حلا بدون سكر ..
يعني ما ينضبط بدونه .. و ترجع تسألني : ما سويتي لي بدون سكر !
صارت تكسر خاطري و الله ..

خصوصاً الكيك / انا اسوي الكيك اللي بالزبادي ما استخدم الخلطات الجاهزة ..
تجي تسألني : متى بتسوين لي كيك بدون سكر ؟

حاولت .. و قللت عددأكواب الطحين و كذا محاولة كانت تفشل وياي ..
رحت اسأل خواتي اللي خبرة اكثر مني ، و قالوا لها ان ما يصير بدون سكر ..

لين ما حست و حست و حست / قللت السكر لـ فنجان صغير و شوي ضبطت وياي ..
عشان ما تكسر بخاطري / قالت لي انها حلوة / و بس لما اكون قدامها تمدح فيها و تأكلها / عرفت انها
ما عجبتها بس فديتها ما تبي تكسر بخاطري .. لين ما ظلت ذيك شبه الكيكة و محد أكلها !


مرة من المرات / و أنا أتصفح زهرة الخليج / لقيت طبخة مثل الكيك بالزبادي ..
بس نقلل عدد اكواب الطحين و نحط نشأ الذرة ..
و الأحلى فيها إن ما نستخدم فيها سكر ..


سويتها / و لله الحمد / ضبطت .. عجبتها !

مششكلة الكيك و حليناها .. و أمي واعليه .. و شلون اقنعها ان الحلا ما يصير حلا بدون سكر ..

للحين و بكل براءة لما تشوفني اسوي حلا تجي تسألني : سويتي لي بدون سكر ؟

[ريانه]

وعليكم السلام ورحمة الله وبركاته

موضع مهضوم كثير ..واكيد بأذن الله راح ارجع

[*العنا*]

وعليكم السلام ورحمة الله وبركاته

موضع مهضوم كثير ..واكيد بأذن الله راح ارجع

يحلى بوجودكـ حبوبة

و بـ إنتظاركـ أكيد ^^ ،،




شكــراً لـ تواجدكِ .

[عروووبة]

ربي يسلمها ويخليها لتس يارب
ويشفيها
اشتقنا لقلمك عناوي
موضوع كويس مره بالحيل

[قهر الرجــــال]

ياحليلها امك... اجل حلا بدون سكر ...

اذكر وانا بأول ثانوي .. بعد ماتزوجوا اخواتي الكبار وبقيت انا أكبر الموجودين ... حبت امي الله يطول بعمرها تعلمني الطبخ بطريقتها الخنفشارية
طبعا وقتها ..كنت اول مرة ادخل فيها المطبخ واخر مرة ... ومن حرة امي على اختي الكبيرة اللي تزوجت .. لأنها طباخة البيت .. قالت ماعندي غير هالاسلوب
عشان تتعلم بنتي ..المهم
مرة من المرات قطت الحكي بسرعة ...وطلعت من البيت ... قالت لي :
" يابنت فيه لحمة بالمطبخ.. طلعتها ..ابيك تسوين لنا ايدام على العشا "
اهيه ماكملت حتى كلمة العشا الا ورجلها عند باب جارتنا ..حتى ماخلتني اشرح لها ظروفي ..او ابرر لنفسي ان عندي اختبار في هذاك اليوم المشؤوم ..
او اتعذر بأي سالفة ..
دخلت المطبخ .. وأنا اناظر للحمة .. واغزها باصبعي مرة وبالسكين مرة ...وبيني وبين نفسي احدثها " وشلون اسوي ايدام باللحم" ؟!!
اثناء ذلك الوقت .. خطرت ببالي فكرة ..
مسكت تلفون البيت ..واجريت عدة اتصالات ..واهمها بالشيف أختي الكبيرة
" شلون اسوي ايدام .. امي قالت "؟!
فديتها أختي ماقصرت .. ظلت معي عالتلفون .. الين انتهيت من المهمة الثقيلة .. والله ثقيلة حتى حسيت بضيق في التنفس .. قبل موعد العشا .. ونظراتي تترقب ملامح امي ..ومزاجها المتقلب
لعل وعسى يعجبها شي .. وعند أول لقمة ... تلتهمها الوالدة أطال الله في عمرها قالت
" ليتني مزوجتك .. ومخلية أختك " !!
وأنا قمة في البراءة .. أرد عليها " ياليت والله " لتحتدي بي بفنجان الشاي الذي مر سريعا من جانب فيسي الرهيب وانا اناظر له بدهشة " هووووو الحمدلله ماجا بوجهي "
وانتهت ليلتي المشؤومة ... بإغلاق باب غرفتي على نفسي ..ومن خلفه اقول " خلي بنتك المتزوجة تنفعك .. والله ماعاد تشوفين رقعة وجهي بالمطبخ "
والحمدلله تخلصت من عنى المطبخ وعذابه من تلك الليلة ...حتى أن أمي تطلبني وتقول لي تكفين نبيك تطبخين لنا .. بس أنا معندة وقلت لها مستحيل........ خبرتي احتفظ بها لنفسي << أووووم البكش
حتى تقول نبي حلا بدون سكر .. وانا ارفض هههههههههههههههه

شكرا العنا ..لي قصة اخرى من جنبات المطبخ .. وحصلت قبل القصة هذي لانها المرة الاخيرة اللي ادخل فيها المطبخ

[*العنا*]

ربي يسلمها ويخليها لتس يارب
ويشفيها
اشتقنا لقلمك عناوي
موضوع كويس مره بالحيل

هلا بالغلااا

اللهم آمين .. و جميع المؤمنين و المؤمنات .

و بعد انا اشتقت اكون بينكم تصدقي ^^ ..

تسلمي يا بعدي .. ننتظرك شاركينا بمواقفكِ ..

و شكــراً لكِ .

[*العنا*]

ياحليلها امك... اجل حلا بدون سكر ...

اذكر وانا بأول ثانوي .. بعد ماتزوجوا اخواتي الكبار وبقيت انا أكبر الموجودين ... حبت امي الله يطول بعمرها تعلمني الطبخ بطريقتها الخنفشارية
طبعا وقتها ..كنت اول مرة ادخل فيها المطبخ واخر مرة ... ومن حرة امي على اختي الكبيرة اللي تزوجت .. لأنها طباخة البيت .. قالت ماعندي غير هالاسلوب
عشان تتعلم بنتي ..المهم
مرة من المرات قطت الحكي بسرعة ...وطلعت من البيت ... قالت لي :
" يابنت فيه لحمة بالمطبخ.. طلعتها ..ابيك تسوين لنا ايدام على العشا "
اهيه ماكملت حتى كلمة العشا الا ورجلها عند باب جارتنا ..حتى ماخلتني اشرح لها ظروفي ..او ابرر لنفسي ان عندي اختبار في هذاك اليوم المشؤوم ..
او اتعذر بأي سالفة ..
دخلت المطبخ .. وأنا اناظر للحمة .. واغزها باصبعي مرة وبالسكين مرة ...وبيني وبين نفسي احدثها " وشلون اسوي ايدام باللحم" ؟!!
اثناء ذلك الوقت .. خطرت ببالي فكرة ..
مسكت تلفون البيت ..واجريت عدة اتصالات ..واهمها بالشيف أختي الكبيرة
" شلون اسوي ايدام .. امي قالت "؟!
فديتها أختي ماقصرت .. ظلت معي عالتلفون .. الين انتهيت من المهمة الثقيلة .. والله ثقيلة حتى حسيت بضيق في التنفس .. قبل موعد العشا .. ونظراتي تترقب ملامح امي ..ومزاجها المتقلب
لعل وعسى يعجبها شي .. وعند أول لقمة ... تلتهمها الوالدة أطال الله في عمرها قالت
" ليتني مزوجتك .. ومخلية أختك " !!
وأنا قمة في البراءة .. أرد عليها " ياليت والله " لتحتدي بي بفنجان الشاي الذي مر سريعا من جانب فيسي الرهيب وانا اناظر له بدهشة " هووووو الحمدلله ماجا بوجهي "
وانتهت ليلتي المشؤومة ... بإغلاق باب غرفتي على نفسي ..ومن خلفه اقول " خلي بنتك المتزوجة تنفعك .. والله ماعاد تشوفين رقعة وجهي بالمطبخ "
والحمدلله تخلصت من عنى المطبخ وعذابه من تلك الليلة ...حتى أن أمي تطلبني وتقول لي تكفين نبيك تطبخين لنا .. بس أنا معندة وقلت لها مستحيل........ خبرتي احتفظ بها لنفسي << أووووم البكش
حتى تقول نبي حلا بدون سكر .. وانا ارفض هههههههههههههههه

شكرا العنا ..لي قصة اخرى من جنبات المطبخ .. وحصلت قبل القصة هذي لانها المرة الاخيرة اللي ادخل فيها المطبخ

هههههههههههههههههههههههههههههههههه

الله يخليها لك إن شاء الله و يحفظها يا رب ..

و الله ما ألومك .. لو انحط في هالموقف كنت خذيت اللحمة و خليتها جنبي و قعدت اندب حظي > خخخخخخخ

من البداية لحمة و الله احسها حيييل صعبة

قهــر الرجال ، بـ إنتظاركِ يا حلوة ..

و شكــراً لكِ ..

و يعطيكِ العافية .

[الواقع السعيد]

يسعد صباحك عناوي
اذكر بداية دخولي الطبخ وطبخي كان مره ملح ومره باهت ومره محترق والحمد لله
اللحين بدون مجامله يتمنون أني اطبخ لهم

[*العنا*]

يسعد صباحك عناوي
اذكر بداية دخولي الطبخ وطبخي كان مره ملح ومره باهت ومره محترق والحمد لله
اللحين بدون مجامله يتمنون أني اطبخ لهم

يسعد لي مساكِ يا حلوة . .

أول ششي ، أعتذر عن التأخير و هذي عشانك !

و ع قولة أمي الله يحفظها : ( اللي ما يخرب ما يعمر ) .
الأحلى إن إلحين الكل يبي طبخك . .

بالنسبة لي ، أنا لما قمت أطبخ و لله الحمد يضبط من أول مرة . .
لا و الله مو شطارة فيني ، بس إذا ما جبت أحد و قعدته وياي و لوعت جبده بالأسلئة . .
قبل لا أدخل المطبخ أسوي بحث كامل عن الطبخة و ألف سؤال و استفسار قبل اسويها . .
و الزين فيني عندي تجارب على عينات أذوقها قبل محد يذوقها خخخخ .

عشان جذي أموري ضابطة و لله الحمد . .

و تسلمي يا حلوة . .
و استانست بـ شوفتك ^^ .

[*العنا*]

{ .. الكســتـرد .. }



.





مرآحب . .


عادة ، الكسترد غير مرغوب فيه بوجود حلويات ثانية مثل الجلي و الكراميل و غيرها . .

يعني ندرة نادرة جداً اللي يفضلها .

أذكر أمي و إحنا صغار عشان تخلينا نأكله تقطع أطراف سندويشات السليس و تحطها و تحط فوقه كسترد
يعني تسويه مثل طبقات و تقول لنا هذا اسكريم و احنا نصدق و نآكله ، بس يصير احلى و أخف . .

الكسترد كلما طبخ ع النار يصير أثقل ، بس حلاته إذا كان خفيف ، يعني ما نخليه يطبخ ع النار و يغلظ كثير . .

أنا كنت ما أحبه و لا أسويه ، بس بـ آخر رمضان ابتلشت فيه . .

كان فيه عرض عليه في الأسواق ، ثمانية بالحجم المتوسط بسعر مناسب .
رحنا أنا و أمي و أبوي / أفترقنا صرت ويا أمي و أبوي لحاله . .
في بداية تسوقنا لاقينه و أخذت أمي من العرض تقريباً العرض كان يشمل ثمان علب . .

و تسوقنا و صارت فوقه أغراض ، صارت العربة عند أبوي و انتقلنا انا و امي قسم ثاني . .
و شافه أبوي و حطه ويا الأغراض ، و أكتشفنا بعدين في البيت . .

أختي راحت اتسوقت و شافت منه و خذت تقريبا ست علب / و أكتشفنا بعدين في البيت ان فيه تقريبا اربع علب . .

8

8

6

4

=

26 علبه .

تخيلوا بس شنسوي فيهم . .

في البيت مو الكل يرغب له بس عشان امي نسويه تحبه ، في أغلب الوقت محد
يأكله و يظل بالثلاجة و بعد محد يأكله .

لين مرة من المرات أكلته عند أختي و سألتها وش هذا ؟ قالت لي كسترد . .
قلتلها و الله ، طعم حلو و خفيف و كان ششي و لذيذ ، سألته عنه و وش نوعه . .

جاوبتني إنه نوع عادي و ما سوت فيه شي و لا زادت عليه ، بس حطته في الخلاط . .

و الله و رحت جربته في البيت و ضبطت معاي ، أختي اللي سألتها عنه مرة أكلته من عندي
و قالت لي إنه أحلى من اللي هي تسويه ، سألتني شلون ، خبرتها نفس اللي علمتني اياه . .

أكتشفنا بعدين إنها تخلطه بعدين تطبخه و أنا فهمتها إنها تخلطه / تطبخه / تخلطه !

بعدين أكتشفنا ان ذي الطريقة تسويه أحلى / راحت اهي و سوته و جتني تسألني و قالت لي مو مثل اللي اسويه
و تناقشنا في الموضوع و قلت لها انا احبه خفيف يعني ما اخليه يغلظ واجد عشان ما يصير ثقيل لين ما ضبطناه و عرفنا له . .


في له أكثر من طريقة للكسترد بالنسبة لي / أفضل أطحن البسكويت و أخلطه معاه .
و إلا أحط فيه علبة قشطة يصير طعمه حلوو .


و هذي أكتشافاتي أنا و أختي / أحد يعرف طريقة ثانية تخلي الكسترد أحلى ؟

[الواقع السعيد]

طيب عناوي قلبي ممكن ترسلين لي ابتذوقه