تعريف الفشيله ؟؟؟؟

[كورن فليكس]

الفشيلة


هي المواقف المحرجة التي تمر علينا .. وقالت العرب تفشل الرجل أي طاح وجهه وفي رواية ضاع وجهه

وقيل ايضاً فشل الرجل زوجتة أي قال لها انثبري وانطمي ولا كلمة...... قدام أهله

وفشٌل الرجل ولده أي قفل الخط في وجهه ... الله يرجه اكيد قال ابي فلوس

والفشيلة مأخوذه من الفشل ... والفشل .. هو صفة تطلق على مؤتمرات القمة العربية وهي مرتبطة بالشجب فيقال شجب الحكام العدوان الاسرائيلي أي فشلوا



ويمر على الانسان الكثير من المواقف المحرجة التي تصيبة بالفشيلة وكما قال محمد عبدة لا لا تردين الفشايل وش اسوي بالورق

ومن المواقف الاخيرة التي مرت علي وفشلتني ... قبل كم يوم رحت السوبر ماركت اشتري اغراض للبيت ... ودخلت واخذت العربية احط فيها اغراضي ليش اسمها عربية مهيب انجليزيه يمكن لانه لازم احد يحركهاويمشيها على كيفة!!!!

المهم بديت امشي بالسوق ... وكم من طفل كدت ادعسه بالعربية لاني معرف اسوقها وكم من امرأة بغيت اتوطا عبايتها

خلصت الاغراض ومن ضمنها شفرتين حلاقة صغيرة لي وجيت عند المحاسب وجا دوري وكان وراي بنات ... المهم المحاسب سعودي ... حسب اغراضي وخلص وحطوها بالاكياس وجيت اخذها واطلع ....

وفجأة !!!!

المهم احد الهنود اللي يشتغلون بالمحل ..

قال ..





صديق طلع شفرة من جيب ...



انا كنت ناسيهن في مخباتي ولا حاسبت عنهن


... وحسبوني سارقهن !!!


وتعال دور وجهي قدام الناس وسمعت صوت ضحكة ناعمة اتت من وراي لكن ما بغيت التفت لها حتى ما تشوف وجهي ويقولن لبعض خدوده صارن طماط (ايه هين طماط هو بصراحه اقرب للبيدجان!!!) ودفعت ريالين وطلعت ما ادري وين طريقي بسبب واحد رفيق ..جعله المصع

ومن المواقف المحرجة المفشلة التي قرأتها وسمعت عنها <<<(خطيرة هالكلمة ..صح)

قصة مريم والرضاعة ..!!

مريم فتاه بالعشرينات ... لها عائلة كبيرة واقارب كثيرون وخاصة من الرضاعة وهي لاتعرفهم جميعاً بسبب كثرتهم ... وفي احد الايام اتاها والدها وهي تجلس بغرفتها تمشط بقرونها الطويلة استعداداً لقصهن مدرجات ولا والا كراسي مسرح..

وقال يا مريم ... قالت لبيك يا ابتي ... قال بنتي روحي وسلمي على اخوانك وقرايبك من الرضاعة ... قالت استحى ياابي لا اعرفهم .... قال لاتستحين ولاشى ذولى اخوانك ..... قالت ابشر يبة وراح ابوها لغرفته يجيب شي....(وش عليكم منه).... المهم نزلت مريم للمجلس ولقت اخوانها اربع شباب سلمت عليهم وباستهم لانهم اخوانها بالرضاعة وجلست تسولف معاهم شوي المهم رجعت لغرفتها ... وجاء ابوها بعد شوية قال وينك ما سلمتي على اخوانك قالت توني رحت المجلس وسلمت عليهم يبه...؟؟؟؟

وينفجع ابوها ويصرخ فيها يا بقرة اللي بالمجلس ذولي ربع اخوك!!!! اخوانك بالرضاعه عندي بالملحق ....


اخويا اخوها ما صدقوا خبر (ادري فيه ناس بيقولون ليتنا معهم!!!)

وتستمر الفشايل جيل بعد جيل

ومن ضمن الضحايا المعلمة نوال .... في احد الايام تصحو نوال متأخرة عن دوامها ... وتردتدي ملابسها على عجل او خروف وتبلش وهي تصك السحاب دبة الله يرجها (مو دبه يعنى شوى سمينه لا لا تخينه لا لا اقولكم وارمه) ... وتنطلق الى مدرستها الثانوية ومباشرة تتجه لفصلها لان لديها حصة اولى وتدخل على البنات وعندما تدير نوال وجهها للسبورة تنطلق ضحكات عالية من كل ارجاء الصف وتتعجب نوال من هذا الامر فهي شديدة وشخصيتها قوية .... ماذا جرى للبنات .... فلماذا تلك الضحكات .........؟؟؟؟؟؟؟؟؟؟؟؟؟؟؟؟؟؟؟

لأن نوال نسيت ان ترمي بنطلون بيجامتها ولبست التنورة فوقة والمشكلة انه طويل اطول من التنورة والادهى والامر ان لونة اخضر وفيه نقط صفرا .... قبحها الله وش هالمزاج ياليته برتقالي مع اخضر كان تنبلع هي وبنطلونها الله يسعدها محلاها .

هذه بعض المواقف المحرجة التي تمر على الناس دائماً.... بس ما تلقاهم وتمشي



وتقبلو تحياتي

مــــــنـــــقــــــول بـــحــــرفـــنـــــه واقــــتــــدار

يالله كل واحد يحط موقف محرج صار عليه

[الحلوه أم قصه]

السلام خوووش خووش تعريف
احم اكيد عندي مواقف كثيره تفشلت فيهاا بس مااذكر الا واحد من المواقف هذي لانه تو صاير لي احم احم وانا طالعه من الجامعه مستعجله وامشي وبكل ثقه وبكل فخر لووول يعني ما همني احد وانا اشوف البنات يطالعون خير ايش السالفه ايش صاير قلت يا بنت كملي المشي روحي اركبي السياره ولا همك المهم يوم ركبت اكتشفت فشيلتي يا حظي عباتي مقلوووووبه لووووووووووووووول
شكرا على الموضوووع أخوووووووي كورن فليكس

[رفحاوي]

اضحك الله سنك يابو فلكس

اختيار رائع كعادتك
وصراحة تعجبني مشاركاتك واللي تدل على انك ذوق
<<<<< يمدح نفسه بطريقة غير مباشرة

صراحة المواقف كثيرة اللهم لا حسد
ومدري وش اقول لكم
لكن الاخت ام صدر وسيع اللي فوق
ذكرتني بموقف قديم

كنا بزيارة لرفحاء ايام اولى ثانوي
وحضرت لصلاة العيد بالمسجد
(اللي قريب من ادارة المجاهدين - جوار سوق الغنم القديم)
المهم كنت وقتها شاب اتقد حيوية ونشاطا
وشوفة نفس
ولبست بشت ( مدري منهو له ولا من وين اخذته)

رحت اتوضا وعلقت البشت
ويوم خلصت والبسه بالمقلوب
وامشي والناس تطالع مستغربين
ماطول عليكم
مانتبهت اني قالب البشت الا بعد ما صليت ووصلت البيت