ادري الغلا مهاما أحاول أخفيه .... تفضح شعوري نظرتي وابتسامه

[سهرانه]

اولى مشاركتي ياليت تعجبكم ابيات محاوله مني بسيطه

ادري الغلا مهما أحاول أخفيه .... تفضح شعوري نظرتي وابتسامه
وش كثر احبه يوه واموت انا فيه ... اكثر من الطفل بليلة فطامه
يبي الحليب ولكن امه تمنيه ... تبيه ينام مهتني في منامه
سيد البشر يا ناس مفتونه انا فيه ... يذوب قلبي يوم يسمع كلامه
فيه المشاعر صداقة ما تجافيه ... وفيه العذوبه والكرم والشهامه
ياناس لو يخفي كثر ما اخفيه ... مسكين ما تقدر تشيله عظامه


كلمات سهرانه

[ضاري]

محاولة اولى فعلا محاولة جيدة


نحن سعداء هنا بوجودك ( سهرانه ) بس اقولك فعلا بداية جيدة

[الحلوه أم قصه]

كلمات جميله ومحاوله رائعه تسلمين أختي على الكلمات الحلوه هذي وصح لسانكياناس لو يخفي كثر ما اخفيه ... مسكين ما تقدر تشيله عظامه
مشكوووووووره

[المختلف]

شكرا لك
سهرانه كلمات جميلة
واسلوب عذب
واهلا بك
وننتظر جديدك

[سهرانه]

شكرا ضاري
وشكرا الحلوه ام قصة
شكرا المختلف

اشكر بجد على الدعم والتشجيع وربي يخليكم

[الوااايلي]

محاولة جيدة كبداية اولى لكن:

ينقصهها الوزن بعض الابيات:



سيد البشر يا ناس مفتونه انا فيه ... يذوب قلبي يوم يسمع كلامه
فيه المشاعر صداقة ما تجافيه ... وفيه العذوبه والكرم والشهامه

سيد البشر ياناس مفتونتن فيه1

فيه المشاعر صادقه ماتجافيه2

ومني الى قلبي:
تعشق على حسابي وانا اتعب اذا انك مادريت
ناظر تفاصيل السهر ياقلب يخرب بيتها



الى الامام سهرانه

[الباز2222]

س هـ ر ا ن هـ
بعدما سطر الوااايلي نقده الهادف
لا مجال للكلام لنا
والى الامام
وان شاء الله تعدين طريف

[شوووووووق]

<<<<<<<بما انها ماتعرف للشعر ولا للشعراء ولا الوزن ولا غيره


حلووووووه با النسبه لهااااااا

<<<<<<وعقبال ماتنتقدووون محاولاتها الكتابيه

[رفحاوي]

سهرانة

حياك الله بهالمنتدى

الاخوان اللي فوق ما قصروا
مدحوك زيادة عن اللزوم وهذا خطأ

اعجبني رد شاعرنا الراقي / الوايلي
الله لا يحرمنا منه ولا من شعره الحلو

ابي اضيف على رد ولد وايل
ان قولك ( وفيه العذوبه والكرم والشهامه) ما فيه رابط بين
العذوبة والكرم !!

واهم شي ان سيد البشر هو راعي المدينة
صلى الله عليه وسلم ويجب ما نصف احد بوصف سيد البشر

[سهرانه]

الوايلي مشكور وما تقصر
انا استفيد من ايات ملاحظه منكم

الباااااااااااااز ليش مقطعني كذا حرام عليك يكفي الوايلي



شووووووووووووووووووووووووق اشخلتي يا عمري لا الشعر ولا الشعاراء ولا وزن ولا غيره يعني مو فاهمه شي
حرام عليكي
تسلمي بوريك وبتشوفين بس صبرك علي شوي





رفحاوي الله يحييييييك
ويخليييييييك لانك تقول مدحوك وانا عارفه انه فعلا مدحوني

ومشكور بصراحه هذي ما اعرفها صلى الله عليه وسلم صدقت والله
وانا اسفه كثير