بديل النستلة المنزلي

**مهيب للبيع** · 20 Jul 2004, 02:19 AM

كلنا مع المقاطعه للمنتوجاات الأمريكيه وحليب النستلة المركز شيء ضروري بالبيت وماعنه غناة

كيف نستغني عنه بشغل بيتوتي نظيف ولذيذ

كوب سكر
كوب حليب بودره
كوب ماء
و رشة فانيليا مع بعض نخلطهم ونتركهم على نار هاديه حتى يثقل ثم نستعمله
أو
بيالة مـــــــاء
3 فناجيل ســــــــــكر
3 بيالات حليب بودره
و تخلطينهم مع بعض وتحطيهم على النار شوي بس الين يتجانس ويثقل شوي..

جربي واحكمي

**عاشقة الجهاد** · 21 Jul 2004, 02:05 AM

شكرا لك أختي مهيب للبيع
والحقيقة أنني اعتمدت الطريقة الأولى لأكثر من مرة وفيها مع المقاطعه سلامة من المواد الحافظة التي لا تخلوا أي ماده معلبة منها

**رفحاوي** · 22 Jul 2004, 11:16 AM

موضوع جاء بوقته
مشكورة المهيب مهو للبيع
راح نجرب ونشوف

وحتى لو طلع ما يصلح اصلا ما اشتري منتجات نستلة
ولا اي شي امريكي او غربي الا بالحالات الضرورية

اسمحي لي اسال
من وين اجيب الحليب البودرة ؟

مشكورة مرة ثانية وكثري من هيك مواضيع

**حنين الماضي** · 30 Jul 2004, 01:46 PM

شكرا مهيب للبيع

رفحاوي ان شاء الله عرفت حليب البودرة منين

**رفحاوي** · 30 Jul 2004, 02:04 PM

حنين الماضي والحاضر

عرفت من وين تنجاب
توسطي لي عند ربعك القصمان
يودونن بعثة لاستراليا عشان اشريه

تذكرين يوم تطنزين ؟
شفتي وش صار للمنتدى عقبه ؟
من ظلمك
الحمد لله انحذف ردك ورد ام خالد
وما بقى الا الصحيح اللي هو ردي

يمل العافية يا حنين

**حنين الماضي** · 31 Jul 2004, 02:52 PM

رفحاوي أنا لا تطنزت ولا ظلمت
أنا كتبت جواب على قد سؤالك
وبعدين رد ام خالد مافيه خطا ياراعي الصح والصحيح

تبي بعثه لاستراليا ترا للقصمان يعطونك

**رفحاوي** · 31 Jul 2004, 05:29 PM

الا تطنزتي وقلت الحليب ينباع باستراليا
ذكرتي والا نسيتي ؟!
وام خالد انبسطت من ردك وضحكت
لكن الحمد لله انمسح ومحد درى

(تبي بعثه لاستراليا ترا للقصمان يعطونك)

ما فهمت
يمكن قصدك اروح للقصمان يعطونن بعثة
تبين الصز؟
شيبت ومامن مخ حق دراسة
الله سلمن من اللي فاتت
وشو له ابلش نفسي ؟
اذا على الدكتوراة سهلة
اقول اني تخرجت من جامعة الحياة
واحط حرف (د) قدام اسمي
ومحد داري عني
على الاقل انا اشوى من .....
ومن ....
ومن ....

..... >>>>>> اسامي دكاترة مشي حالك

حنين شكلك تبين تقلبين الموضوع سياسي
واخرته يحطونن بالقفص اللي مهو ذهبي
وانا وراي وغدان ومسؤوليات مهو مثلك خفافية

اقول ابي اتابع الاسهم
ناس مسافرين وموكلينهم باعمالهم
ان شاء الله يرجعون وما يضيع راس مالهم

**مهيب للبيع** · 31 Jul 2004, 10:55 PM

مشكورة على الرد يام خالد

رفحاوي وحنين وش قصتكم أي سؤال وأي جواب!!!!!!!

**حنين الماضي** · 03 Aug 2004, 01:57 AM

سلااااااااااامتك مهيب
بس أنا ورفحاوي تصاقعنا الروووس

ويامالك من الخير

آخر المشاركات

الموضوع: بديل النستلة المنزلي

أدوات الموضوع

تقييم هذا الموضوع

عرض

العرض المتطور

بديل النستلة المنزلي

مواقع النشر (المفضلة)

مواقع النشر (المفضلة)

ضوابط المشاركة