طافن الباص

[رفحاوي]

بداية رمضان انمرضت انا والمعزبة واكثر العيال الا ولدي اللي يدرس بثاني ابتدائي.

يوم قرب موعد باص المدرسة لقيناه مهو لابس ملابس المدرسة.
صحنا عليه وقلنا يالله بسرعة رح البس والحق الباص.

لبس وراح.
ما طول الا وهو جاي يطق.
فتحوا له الباب واول ما دخل طش الشنطة
وقام يتزقلب (يتشقلب) وهو مبسوط ويقول طافن الباص طافن الباص.

قلت لامه خيرة خليه يتريح اليوم وان شاء الله اخوه يتعافى ويروح معه باسر.

يوم داوم عطوه ورقة يسالون عن سبب غيابه.
كتبت لهم : طافه الباص.

[سرداب]

بداية رمضان كان يوم جمعه !!!!!!!
وحسب علمي يوم الجمعه مافي دراسة
وحسب علمي ايضا ان مدارسنا ماعندهم باصات !!!!!!!!
الا اذا كان المحروس من ابناء الطبقة البرجوازية اللي يدرسون بمدارس خاصه !!!!!!!!

اقر الله عينك بابنك وجعله من حملة الكتاب والسنه

--------تم تحريره من الاشراف ----------

[ابن البلد]

أخوي رفحاوي ( ممكن نعرف هدفك من الموضوع ) والا تدري ( حنا وش استفدنا من موضوعك ) !!!!!!!!!!!!!!

[رفحاوي]

سرداب.

اجل اكذب ههههههههههه

ابي احسن الظن واوضح لك.
كان مرضنا ايام 4-7 رمضان بالتحديد يعني بداية رمضان.
بالنسبة للباص ، مدارس عيالي مؤمنين لهم باصات.

ماني من الطبقة البرجوازية وبنفس الوقت ما انكر فضل وكرم الله سبحانه وتعالى علي.
فانا ولله الحمد بخير وعافية واطمع الى كرم ربي سواءا في هذه الدنيا الفانية او الاخرة.

جزاك الله خير على الدعوة الطيبة.

ما قريت الكلام اللي حذفوه الاشراف جزاهم الله خير.

عموما اذا كان به خطأ فانا اسف.

هلا ابن البلد

هدف الموضوع محاولة مني لرسم الابتسامة البريئة على وجيه اهل هذا المنتدى الطيب. لا اكثر ولا اقل.

[الزعيم]

هدف الموضوع محاولة مني لرسم الابتسامة البريئة على وجيه اهل هذا المنتدى الطيب. لا اكثر ولا اقل.
[/b][/QUOTE]


الله يسعدك ... يارفحاوي ويخليلك العيال وام العيال .

والحمدلله على سلامتكم ....

[رفحاوي]

هلا وغلا ايها الزعيم الغالي

الله يسلمك ويعافيك ولا يوريك شر انت ومن يسمع.

بانتظار الطيبين مثلك وشرواك.