نسمع ان فلان مرشح حاله
وعلان مرشحه خاله
ومشعان مصدق حاله
والحقيقة احب اقول لهم استريحوا .....نعم استريحوا........ياخي استريحوا
ليش !
الترشيح يبي له اصوات ....والاصوات يبي لها رجال تصوت ...والرجال مايجيبه الا
الفزعة.....او الاغراء ...أوالصدفة!!
المهم اقول للمرشحين استريحوا
اللي راح يفوزون هم اللي جابوا الناخبين من كل مكان من الرياض ...من الخفجي....من قلب النفود....

الفزعة الفزعة اليوم يومكم !....هذا ماقاله احد شيوخ القبائل والذي رشح ابنه للانتخابات!
انتم يامن تنظرون !وتتوقعون
هل تعلمون ان سيارات الليموزين ماله والي !!
تابعوا احد المراكز الانتخابية ......كل ساعة تصل سيارة ليموزين محملة بخمسة اصوات لتسجل ! من اين جاءت هذه السيارة!!
غازي الشريفي يحمل الختم اسفل المركز الانتخابي ويعرف على القادمين ...اليوم يومكم !
جاءوا من كل مكان ليفوز مرشحهم ولا عزاء لمن ينظرون (بتشديد الظاء)

ثم يقول قائل ان فلان مرشح حاله (بل قل مصدق حاله )
المجلس البلدي سيكتسحه القادمون من الهجر القريبة
وسيكون الاستثناء الوحيد سالم قريط لانه سيجمع اكثر الاصوات...
الفزعة الفزعة .....اليوم يومكم ......والصوت بذبيحة ........وخل اللي مايشتري يتفرج.......وبكرا يتربع على كرسي المجلس البلدي ...
اما انتم يااهل رفحاء وياسكانها فستصبحون مثل سكان استراليا الاصليين !!
يعني يحطونكم بالمتحف ويقولون شوفوا التراث هؤلاء سكان رفحاء الاصليين !!
واللي ماعنده ختم...... ولاعنده فزعة........ولاعنده سيارات ليموزين ......اقول له خلك بعيد ولاتفشل حالك
نصيحة مني ترى الخساير ماهي زينه......

اعضاء المجلس البلدي:
تركي برغش
غازي الشريفي
سالم قريط (بعد منافسة قوية من وطبان فاضل )
واللي مايشتري يتفرج!