ليش الدب الداشر والمرجوجه (حرام عليكم ) هرطمانيات 4 الحمار الغالي

[هرطمان]

السلالالالالالالالالالام عليكم (من الهرطمانيات رقم 4)
بعضكم يسأل عن حمار هرطمان الي موجود في التوقيع تحت
طبعا شر الناس الي لادنيا ولا دين يعني مفلس من الثنتين (طبعا مو انا انا مسلم )
لكن راس المال حمار واجرب الجرب مرض يحتاج لطلاء ندهنه بالزيت المحروق او قار شهريا .
فاضطر لركوب الليموزين فترة العلاج
فاحس بقيمة حماري العزيز واحس بقسوة الدنيا حينما اركب السياره فاتمنى حماري
عاد عدوي الودود وصديقي اللدود(الدب و المرجوجه ) يتمنون انه يموت وفيه كم واحد داخل يشاركهم الامنيات
امس رديت على المرجوجه والدب فقالوا اليوم صاير شاعر
اخوكم ماصدق خبر قال فرصه قبل تروح جنّية الشعر خلني اقول قصيده وما كملت دقايق وجمعت الابيات
قلت ماني ناشرها ابي اكمل عليها حاولت البارح واليوم مافيه فايده ولا قدرت ازيد ولا حرف قلنا ياكله ياخله
طبعا البنات والحريم ما ادانيهن قلت ما عندي اغلى من حماري وحزنت على الي يتمنون موته بس عذرتهم لانهم ما يعرفون قيمته وعلى قولت القايل الي ما يعرفك ما يثمنك

حماري ياجماعه صارعلّه $$$ جربه اليوم طول في علاجه

أ دور طب قال الدب خله $$$ يموت ونستريح من اللجاجه

ومرجوجه تمنى موتتٍ له$$$ يابنت الناس كفي هالرجاجه

حماري هو حبيبي ما امله$$$ فراقه غاليٍ ما هو دجاجه

تحسبون المحبه بس فلّه $$$ كما الاطفال ماتلعب بعاجه

عليه اسهر واصيح الليل كله$$$ غرامه شابكٍ قلبي ولاجه

بنى بالقلب بستان وفله $$$ عليها اسوار وابواب وزجاجه



وسلالالالالالالالالالالالالالالالامتكم

$$$$خاص بمنتدى رفحاء $$$$

[فواز]

عليه اسهر واصيح الليل كله$$$ غرامه شابكٍ قلبي ولاجه

صح لسانك ....

إلا على طاري ( لسانك ) .. يقال دائماً ( لسانك حصانك ..) لكن الظاهر أنك انت تقول ( لسانك حمارك ...)

---------

الله يهدكم يالدب الداشر أنت وهالمرجوجة ... وش فيكم على حمار الرجال .....

ضاقت عليكم .. ما لقيتو إلا هالحمار ... هالأجرب ..

أقول الله يستر عليكم .. ترى هرطمان صاير شاعر .. أقول الله يستر ما يكتب قصيده ( هجاءً فيكم )


ترى ينخاف منهم الشعراء ...

---------------------

تحياتي هرطمان

[الدب الداشر]

آآآآآآآآآسف
خلوووووني يا ما أجي لأني الحين ماشي وراجع الليله
أوكي وبعدين الي قراء الرد الي من شوي حاطه
يقرا الرد الجاي لاااااااااازم

وبايوووووووووووووووووووووووو

[القعـقاع]

الله و اكبر الله و اكبر

صح لسانك يا هرطمان اييييه اييييه هاللون كان من

زمان دازهم بهالقصيده وبعدين انت يا دب وانتي يا

مرجوجه وش تبون بحمار هالرجال وش الي مسلطكم

عليه اييييييييييه..... اكيد الدب الداشر يبي دوره

بالحمار بس انتبه انتبه يا هرطمان لا تعطيه

ترى اذا ركبه تبين علوم الحمار يغدي له صياح

وانتبهوا (يالدب الداشر والمرجوجه ) تروا هرطمان الايام هذي الله

يستر خلوكم من بعيد لبعيد ويعطيك العافيه يا هرطمان

ألـــــك

[هرطمان]

أولا انا ماني شاعر (اقصد ماني حاس )

هلا بفواز والله انك على بالي بس عقب ما راحت الجنيّه وما قدرت اجيبك
اما لسانك حمارك وش رايك ما تشوف انها قويه شوي
بس مقبوله لان الحصان ماهو مهم بالمعركه المهم الفارس

هلا بالقعقاع ان ما تبت عن الي انت خابر برزحك بقصيده واخليهم يغنونها لك بعرسك

دبدوب وش سالفتك روحاتك كثرت ؟ ترى المركز ماهم فاضين لك

[المرجوجه]

حماري ياجماعه صارعلّه $$$ جربه اليوم طول في علاجه

ههههه..
صح لسانك يا اخوي ..

والله انا ماادري متى جبت سيرة حمارك.. لكن .. شكلك تحبه كثير..

الله لا يحرمك منه..


يعطيك العافيه اخوي هرطمان...

[هرطمان]

يعني خلاص ركبتي كراون فكتوريا

تكبرتي حتى سيرة الحمار نسيتيها

أجل لو تركبين داتسون وش تقولين

الله يستر من الزمن

والله يعطيك العافيه اختي المرجوجه

[الدب الداشر]

أحح هذا الرد ياهرطمااني كتبته

أمس والله واناا على النت

يعني والدعوه كلها مزح بمزح

والرد نزلته أمس بعدين شلته لأني كنت مستعجل أبي أسافر

وهذا الرد الحين نزلته مره ثانيه طبعا" مو على نفس الوزن حق قصيدتك

بسسسسسسسسسسسسسسسسسسسس

قلت لك الدعوه كلها مزح



شمل(ن) تشـتت وش الباقـي من الفـلّه $$$ طـاح الحـمار ولا بقي للغـرض حــاجــه

مسكين للمشــوار..... تكـسي وتشرلّه $$$ هندي وكن الـروايـح لـهـا أعــجـاجــه

هذا هي الدنياا على الجمعاات والجلّه $$$ يالله على الله كل ضيقه لها أفـراجـه

وخله على الله وكل معقود لــه حـلّه $$$ ولابد لأجـل الـضـحـك كـثـر اللـجـاجـه

ومــن دون هـالرجه ترانا جمعة الشلّه $$$ ادناات زله وكـل(ن) يـرجـع أدراجـه

لاخـلنا هـالـون مـجـماعـنـا الـملّه $$$ نضحك كما (للطفل ضحكاته مـع العاجه)

عسـى الحـمار أيقوم ويشفى من العلّه $$$ وأتعود الضحكه على مبسـمـك دواجــه

وبأهـدي الوردات مـن يدري ومن هن له $$$ للي عقد بالقلب في فـلت أحـجاجـه


تحياااتي لك هرطمان وبلغ السلااام لحمارك وقله الدب الداشر يقول لك ماتشوف شر وتقوم بالسلاااامه

وتحيااتي وقلت لكم ترو الدعوه مزح مي مستاهل رد ونفس البحر والقافيه
يعني لأحد يشره

[هرطمان]

ومــن دون هـالرجه ترانا جمعة الشلّه $$$ ادناات زله وكـل(ن) يـرجـع أدراجـه

هلا دبدوب الشجاع
بيتك هذا خطير انا شوي دفش وكان عندكم ناس حساسين لازم يعذروني بس انا عارف نفسي زين وعارف شبقول

ومشكووووووووووووور على الابيات وحظك زين لأن جنّيه الشعر راحت

بس قل لي انا فاقد عصمان الشوارب عسى ما اخلاف