ام حزينه واذرفت دمعة العين
جاها من الايام شي يهيله
تشكي من الهوجاس والهم والبين
تقول كني فوق جمر المليه
اونس بصدري مثل طعن السكاكين
لا والله الا الحال صارت عليله
عبد اللطيف اللي بقلبي له سنين
اغلى عيالي راح كيف الوسيله
جاه القضاءوالموت ضمه بكفين
خذاه مني بين يوم وليله
اقول لاخوانه انا حالتي طين
الروح راحت يوم روح عديله
قلبي عقب فرقاه مقسوم قسمين
قسمٍ حضن غيره وقسمٍ يشيله
يالله ياللي ترتجيه المصلين
يا واحدٍكل الملا ترتجيله
ان منزله عندك بوسط البساتين
في جنتك تحت الغصون الظليله