مرشحين منكوبين

[احمد]

المشهد الأول /

امشي في شارع عام بسرعة متوسطه ... فجأه اشوف قدامي في وسط الطريق مواسير وحديد بالكاد قدرت اوقف السياره ...

وش السالفة ! .. صورة مرشح واقعة على الطريق حجم كبير جداً ..بسبب الرياح ..

999 الو الو الشرطة ...
نعم معاك العمليات /

انا / اقولكم ترا فيه صورة مرشح واقعة في وسط الطريق ومسكره الشارع ..

العمليات / عندنا خبر يالطيب تقصد اللي بالفيصليه ؟؟
انا / لالالا

العمليات / اجل اللي في الخالديه ؟؟
انا / لالالالالالالالا بقولك

العمليات / وينها اجل .
انا / في المساعديه هذي توها طايحة انا اول واحد يبلغكم عنها ...



المشهد الثاني /

صورة مرشح امس انا شايفة متكشخ وآخر حلاوة ...

مدري اليوم شلون طلع له لحية ... يا ليتها لحية وبس ... حاطين له حمره على خدوده وروج على البراطم الله يسلم براطمكم ..هههههههه

عيال الحارة الله يهديهم غيروا هوايتهم مؤقتاً من الرسم على الجدران ... الى الرسم على وجوه المرشحين



المشهد الثالث /

مخيم ... ومفاطيح ... وشعّار وقصايد ..

كلمة المرشح ... اسأله واجوبه ... الرجال متمكن من نفسه ما شاء الله عليه ...

بس والله ما حبيناها منه ... اخرتها يطلع من المخيم على ددسن وثلاثة ناخبين يدفونها !!


المشهد الرابع ...

هذا مخيم مميز ... غير عن كل المخيمات فريد من نوعه ...

كل المخيمات حاطين لمبات وحركات ... كل واحد يبدع بطريقته ..

بس مثل خوينا هذا ماحديقدر يسوي ...

اموت واعرف شلون قدر يستبدل لمبات الزينه بلمبات سيارات المطافي والشرطه والمرور عاملين مهرجان عند مخيمه ... والله انا شميت ريحة حريق بس ماني متأكد يمكن من حرارة لقاء المرشح مع الناخبين هههههههه

المشهد الخامس /
مريت قبل شوي وانا ماشي بسيارتي شفت مخيم حلو وجميل وجمهور كثيف ...

بعد نصف ساعة مريت من نفس الشارع ... ما شغت المخيم وينه ؟؟؟!!!

بعد التدقيق شفت المخيم بصعوبه في الظلام ... مو مشكله بسيطه الكهرباء فصلت عن المخيم وشركة الكهرب واقفة عند العمود تعيد توصيله ,,,,

اللي مستغرب منه !! ... ليه المرشح وجميع ضيوفه واقفين عند سيارة الكهرباء ؟؟ يمكن هواية الطفوله يطاردون ورا اي سياره بسفتي !!

هههههههه او يمكن المرشح قال استغلها فرصه واطلع فوق ( السلّه ) حقت سيارة الكهرباء والقي الكلمه من فوووق

بس خلاص <<== شعبان عبدالرحيم

[ليث]

ههههههههههههههههههه


لك الشكر ابو احميد



وشوي شوي علينا تراي ابرشح نفسي


الدوووووره الجايه لين اتعدى الثلاثين

[احمد]

هلا ليث ربي يسعدك ..

ولا يهمك رشح نفسك .. وانا اول واحد راح انتخبك لأنك جبرت بخاطري ورديت على الموضوع له يومين .. ولا ناخب رد عليه اقصد ولا عضو هههههههههه

والله هالمرشحين خلونا نضحك حتى اليوم شفت لي واحد شنباته واصله للدقن ... قلت خسارة لو حطوا صورة جمس عبارتين معاه كان اكتملت الصوره ههههههههه

عاد ابي الكل يرد على الموضوع ... علشان انتخبكم بعدين