تشتري اصوات ؟!!

[رفحاوي]

[align=center]رفيق لي عزيز على قلبي من ايام سكن الجامعة انقطعت اخباره من 5 سنين ...

جوالي كان مع اخوي وبعده خرب والشريحة احترقت المهم ماعرف له رقم ...

ودايم يطري على بالي وكل ما شفت واحد من نفس اسمه بالقصيم اساله عنه ويقول انه يعرفه ويعرف ابوه بس ما يعرف رقمه ...

البارح حوالي 11 بالليل جالس اقرا الجرايد ... واشوف بجريدة الرياض اعلان لمرشح باحدى مدن القصيم العامر ... واقرا الاسم واشوف الصورة الا هذا رفيقي ...

اقلب عيوني ...

صز ؟!!

تسذب ؟!!

طلع صز ؟!!

واقرا الاعلان بسرعة ادور جواله والقاه اسفل الاعلان واخزنه بجوالي بدون تردد ولا توان ...

لو ما كان الوقت متاخر كان اتصلت عليه ساعته ...

يوم جاء اليوم الصبح وادق عليه وحبيت اتغشمر معه وصار بيننا هالكلام:

رفحاوي : السلام عليكم ورحمة الله وبركاته

فهد : وعليكم السلام ورحمة الله وبركاته

رفحاوي : الاستاذ / فهد ؟! (لاحظت الصوت متغير)

فهد : ايه معك

رفحاوي : سلامات وش فيه صوتك متغير ؟!

فهد : مريض

رفحاوي : سلامتك ما تشوف شر ... عموما عندي لك اصوات اذا تبي تشري

فهد : انا عندي اصوات كثيرة اذا تبي

رفحاوي : اعتبر هالكلام ثقة والا غرور ؟!

فهد : وشلون ؟!!

رفحاوي : اسف اذا ما فهمت كلامي ... قصدي كلامك هذا يدل على انك مغرور وشايف نفسك .

فهد : ماهو غريب هالصوت ... انت فلان ؟!!


وعرفن فهد وبدينا نتذكر ايام الشباب ووعدن انه يسير علي بالرياض بعد ما تخلص هالانتخابات .


ملاحظة :

هالموضوع ما هو الا محاولة لزرع الابتسامة على الوجوه الطيبة واعتذر اشد الاعتذار لعجزي عن رسمها على الوجوه الكليحة ...
[/align]

[ليث]

يسيير عليييك؟؟؟ اذا فااز.............


اذا فاز طق البشت ؟؟؟؟

يمكن يغير رقم جووووااااااالههههههههههه


تسلم ابومحمد

[رفحاوي]

اقول رفيقي وتقول يسير علي اذا فاز !!!

قالوا لك اخاوي اي واحد الله يسامحك ؟!!

يمكن ابتسامات الانتخابات بالخضراء سببت لك شوشرة ...

بشر عسى ارتسمت على افمك قصدي وجهك ابتسامة عريضة او على الاقل متوسطة ؟!!