الفكر ســــج وسجته في حراويــــك. . . . .مايدري ان الدلو طاح بقليبه
جرحتني ذبحـــــتني قــــل واليــــك. . . . مصيبةٍجرت وراها مصيبه
مااقول غير الله بفعلك يجــــازيك. . , .يالعله اللي مالقينا طـــــــبيبه
افز من لـــــــذة منامي واناديـــــك. . . .اصيح وينه جعل ربي حسيبه
بيني وبينك وين مارحت الاقــــيك. . .رفعة رايـــــاتي وشفت الغليبه
قضيت عمري تايهٍ ضايع فـــــيك. . .مثل الصباح اللي يحـــن لمغيبه
مااغير اعاتب دمعتي ليـــه تبكيك.. . واقول صبرك يالجروح العطيبه
حاولت اقول اني كرهتك وناسيك . . .وكل على ماقيل يـــــاخذ نصيبه
لاعاد تطريني وانا تبت مااطريك. . .وش لي بليــــــلٍ من سراه يغديبه
مــــره تقول اني اعزك ومغليك. . .ومـــره تجي مثل الكفن والنصيبه
زودٍعلى جرح السنين وتماديك. . .الراس من جـــور الزمن بان شيبه
هاذي على هاذي وهاذي على ذيك. .تخطيه وحده والف وحده تصيبه
القاع قفرا والسبب من بلا ويك. . .زدتي على السبع العجايب عجيبه