هذه تجربتي في سوق الاسهم ... (( لمن يرغب المشاركه ))

[الافندى]

[align=center] اخواني الاعزاء / اعضاء المنتدى

لكم كل تحيه وتقدير ... (( الحياة تجارب ولنستفيد من تجارب الاخرين في سوق المال ))

هل استفدت من السوق ؟؟ هل استفدت من المنتديات ؟؟
هل انت مستثمر او مضارب ؟؟ ماهي نظريتك في الشراء والبيع ؟؟

هل استفدت من تجاربك السابقه ؟؟
هذا مجرد تسائل ليس من الضروري الاجابه لك حق الاختيار والهدف الاستفاده

(( تجربتي بالسوق ))


ابي رايكم في الموضوع .. نبداء والا مهو وقته ؟؟
انتظر ردكم [/align]

[ملاك]

ياليت تبدا بتجربتك اخوي لعلنا نستفيد منك .
وجزاك الله خير

[ضاري]

أخي الافندي

اعتقد انك صاحب سبق دائما ، ابارك لك وللأخت ( ملاك ) انفكاك تعليقة القصيم الزراعية التي أصبحت ارقبها وادعي ربي ان يفك تعليقتكما وليتني دخلتها يوم كنت اضحك وهي في 70 ريال ، بارك الله لكما .

تجربتي في سوق الاسهم :

تجربه بسيطه تعلمت فيها أنه لا تعامل ولا نجاح في سوق الاسهم الا من خلال ( الاقدام ) وعدم التردد ، اراقب شركات وانوي الدخول فيها وعندما اقترب من امر البيع اغير النظرة وبعدها ترتفع الشركة ، وأقول لا تحسف هذي ماهي مقسومه !!!!

اتابع المنتديات [ تداول / هوامير السوق السعودية ] مؤثرة جدا في السوق السعودي

اشكر اللجين والكهرباء
واكره المواشي مع اني احتفظ في مزرعتي على قطيع منها ليس للتداول !!

شكرا الافندي

[ليث]

اشكر اللجين والكهرباء
واكره المواشي مع اني احتفظ في مزرعتي على قطيع منها ليس للتداول !!



ههههههههههههه


حلوووووووووه ضااااااري








ولي عوده

[الافندى]

ملاك .. ضاري ... ليث
الشكر لايكفي ... مروركم ومداخلاتكم هي الغايه والهدف ( تسلمون حبايبي )
......هذه اول تجربه
كنت اتعامل بالاسهم عن طريق شراء استمارات وما شابه ... واحسب اني خبير ؟؟
وفي نهاية 2002 بداء الافندي يشتري بالصاله ويبيع والربح كويس ولااعرف جني ارباح ولا تصحيح ولا شي اشري وابيع وماشيه الامور
وفي يوم اعتقد بل اكيد في سبتمبر 2003 شريت اسهم بحدود 150 الف .. تمام .. واحتريهن يصيرن 200 الف
وكل يوم ينزل المبلغ يومين طولت وجيث ثالث يوم وقلت ببيع وامشى لرفحاء وتدرون هناك بالصاله كل واحد عارف مكانه المتعود عليه وينزلون سباح ومفاتيح للحجز اخوكم الافندي وخر المفاتيح عن احد الكراسي وجلس جاء الرجال وطنشت
الزبده جلس بجنبي وسلم وقلت اسف وحاولت اقوم ورفض وسالني انت جديد على الاسهم الظاهر ملامحي واضحه وسردت عليه القصه
. سويت امر البيع وماسكه بيدي والقيمة اقل 80 الف ( طحت بالتصحيح )
سبحان الله حلف علي وقطع الامر وقال رح تمشا ولا تجي السوق الا بعد اسبوع
وقال اوصيك بالصناعه بعد ما ذكرت شركاتي الي اشتريتهن طلعن كلهن خدمات .
وذكر وقت الشراء عند نزول السهم من (10 - 20 )
واياك ياولدي تطرد المقفي ( بصراحه مافهمتها الا بعد شهور كان يقصد السهم اذا ارتفع لاتدخله )
مامن صبر اربع ايام وانا مزندخ بالصاله واحسب اسهمي والا خساره بسيطه ما صدقت وابيع بحدود 120 الف ومن ذاك اليوم وانا ادعيله
( العجله ماهي زينه فعلا الصبر مفتاح الفرج)
( لن ابيع بخساره / ركزت على القطاع الصناعي / اذا نزل السهم ازيد الكميه / لن ادخل بكامل السيوله )

[الصريح]

باختصار هذه تجربتي
اشتري اي سهم واقبل اي توصيه حتى حدث ما لم يخطر ببالي الانهيار ؟؟؟
صادوني صيد الحمامه في مايو وخساره الله لايخسر نصف راس مالي والادهى والامر اني طلعت من السوق والسوق طلع فوق ولحقته بعد ثلاث نسب ورجعبي تحت وقررت ان اترك السوق بلا عوده وبدات اقرأ بالمنتديات واتابع القنوات المتخصصه واخذت معلوما ت لاباس بها والامور صارت جيده
لاصعود يستمر ولا هبوط يستمر مهما كان ربح او خسارة السهم . ثلاث ايام احمر ادخل ثلاث ايام اخضر بيع

[الافندى]

لم نعهدكم هكذا .... انتظر مشاركاتكم

[سهم جارح]

خذ عندك يالافندي


بداية دخولي السوق كانت في سبتنمبر 2003م كان المؤشر لعام نازل حوال 200 نقطه وكنت مستني اعلان ارباح سافكو على تداول على شان ادخل وفعلا اعلنو الارباح وكانت زايدة حوالي 140% المهم دخلت بس مانفع دحدر السوق ودحدرت معاه سافكو ........... الانهيار الثاني الي هو مايو 2004 فبل ماينهار السوق باسبوع طلعت من السوق بسب تحذير من المرشد كان نشر في جريدة الرياض فبل الانهيار بيومين دخلت السوق في صدق لقافه قلت خلني اخذلي الفين ريال دخلتها بسعر 176 ريال ( مجنون) المهم مامداني دحدرت الى 172 قلت ماني بايع بخساره مع علمي بهبوط السوق قلت ابيع في الارتداد المهم بعدو كذا مامداني حتى ابيع دحدر السوق بشكل مخيف المهم بعتها اخيرا 136 في عز الانهيار ووصلت على ماذكر الى 80 ريال.................. بس الحين الحمد لله تعلمنى مهما يرتفع السوق لابد يرجع تحت ( التاريخ يعيد نفسه في الاسهم ) الحين الحمد لله في 3 شهور ارباحي اكثر من ممتازه وجميع الانهيارات التي حدثت بعد مايو 2004 سلمت منه

[المحارب]

سجل عندك

لست من المواضبين على السوق ولكن اسمع يقولون الحقوا على السوق وبصراحه يوصون على اسهم ولا يمدي ادخل الا سهمي نازل واجلس اسبوع واحيانا اسبوعين والفائده وسط
واستغرب من الي يدخول والسهم وجهه تحت والظاهر والله اعلم ان الفائده ما هي ذاك الزود بس اوعدكم اني بجرب ادخل السوق وهو احمر واشوف ان عمدني ظلوعي

[الافندى]

لانزال نطمح بمشاركة الاعضاء ....( اصعب تجربه هي الحياة ومن تجاربنا نتعلم )