السلالالالالالالالالالالالام...


نتابع أمثالنا يا حلوين....


1
ماكانش اتعذر ولا باع جزر

((
واضح من الـ design حق المثل انه مصري..
ماعلينا..
ماكانش = ماكان = لم يكن
جزر= جزر هو الجزر أكل الأرنب= حاجه لونها برتقالي
يعني واحد ظريف ولطيف .. قاعد يبيع جزر..
يجي واحد يقول لثاني .. هذا حالته حلوه .. وماعليه قاصر.. يقول له الثاني ...
ياشييييييييييييخ روووووووووح...
ماكانش اتعذر ولا باع جزر
يعني ماكان انطق وضاقت فيه الدنيا وقعد يبيع جزر وهو أوكي..
احم.. بس ايش فيه الجزر..؟؟؟ حلو....
))



2
اللي بيته من قزاز ما يحدفش الناس بالطوب

((
ما يحدفش= لا يحذف= لا يرميهم.. (( زين كذه..؟؟ ))
مثل ثنين سهرانين بدون فايده .. وقاعدين بين لعب وصياعه وحوسه..
ويجي واحد فيهم يقول للثاني .. انت ما تبطل صياعه ..؟؟ وصرمحه بالشوارع ..؟؟ (( حلوه صرمحه .. .. ))
يرد عليه الثاني ... اللي بيته من قزاز ما يحدفش النااااااااس بالطوووووب..
بالعربي حالك حالي.. لا تقول علي شي..
))



3
لا الوسخ بينضف ولا الوحش بيحلو

((
بينضف = يصير نظيف وأنيق وحلو .. ومسمسم
بيحلو = يصير حلو = يصير ظريف = يصير لطيف = يصير أليف
ايه هذا مثل واحد معفن وشين طيب
مهما سوى عمليات تجميل وحاول يرقع في نفسه برضه شين.. لا ومعفن بعد!!
))



4
المنحوس منحوس ولو علقوا على بابه فانوس

((
هذا المثل ولد عمه المثل اللي يقول.. وين ما أطقها عوجه..!!
يعني مثلا .. واحد بالثانوي مسكين .. بالطقاق جاب نسبه سنعه .. مثلا جاب.. 98%.. أوكي..
يجي يقدم.. يقول مثلا يقدم حاسب
يجي اللي على الكمبيوتر يقوله خلاص الحاسب قفل..!!
الحين تعبان وجايب نسبه حلوه عشان يدخل .. وأول يوم تقديم .. وآخر شي يقوله .. خلاص..!! مافي..!!.. هذا عاد المنحوس منحوووووووووس
))



5
وين ما أطقها عوجه

((
انظر أعلاه
))



6
دلقوا القهوه من عماهم.. قالوا الخير جاهم..!!

((
هههههههه..
المصريين .. دايم في أفلامهم يقولون دلق القهوه خير.. يعني لين كبوا القهوه خير..!!
ايه هين خير.. الا شرررررر.. ياويلنا ينكب شي لا وقهوه بعد..!! قال خير ايه هين .. الا وراها خناق وتهزيء وتنظيف وكررررررف.. أي خير هذا؟؟؟؟
فهنا نقول لك .. ان من عماهم وقل اهتمامهم وغبائهم .. و.. و.. (( والله من كثر الحش هذا .. اليوم شكلي بكب (( بكب = سوف أسكب = سوف أدلق )) .. القهوه..!! )) .. وعشان يغطون على مصيبتهم.. قالوا انه خير..!!
))



7
ان طلع العيب من أهل العيب ما يبقاش عيب

((
يجيك واحد شرير ومو حلو..
ويغلط عليك..
مره.. واثنين .. وثلاثه .. وحضرتك.. منطم (( منطم = ساكت = منكتم )) وما ترد عليه بكلمه .. ينقال لك مكبر عقلك (( ايه هين ما هنا عقل )) ما علينا.. آخر شي تضيق معاك .. تقوله ..
ان طلع العيب من أهل العيب ((اللي هم هو )) .. ما يبقاااااااااش عيب.. (( يعني ما يكون عيب )) ..
كذه تكون هزأته.. بس بشكل ظرييييييف..
))


8
البيت بيت أبونا والغرب يطردونا

((
يعني مثلا انت قاعد بغرفتك..
لا لك ولا عليك..
جاك اخوي الصغير وقال (( بكل بجااااااااحه = بكل وقاحه )) .. اطلع بره بنام..!!
تقوم تقول له البيت بيت أبونا -- اللي هي غرفتك = بيتك -- والغرب اللي هم أخوك .. يطردونك..!!
طبعا الوضع هنا لو اخوك كان أكبر .. مالك عين تتكلم.. بتطلع وتقول أمر سم طااااال عمرك
(( هذا اللي يقول لك ناس تخاف ما تختشيش!! ))
))



9
الشايب لما بيبتدلع بيبقى زي الباب المخلع

((
اها.. يعنيواحد عجوز وشايب والله يستر عليه..
قاعد يتدلع.. ويتمطط (( حلوه يتمطط.. .. )) المهم.. شكله غلط .. ومو لايق عليه..
ينفع كذه؟؟
والله يا شباب ما عرفت له بس مثل عجبني..
وزبدته ان الدلع ما هو لايق على الكبار..
وسلامتكم..
))



10
قال يا قاعدين يكفيكوا شر الجايين..

((
يعني انت قاعد في أمان .. لا لك ولا عليك..
فجأه يجيك واحد يقول لك فلان صار له حادث..
هنا.. تقول انت قال يا قاعدين .. (( اللي هم انت )) يكفيكوا شر الجايين (( اللي هو المختل اللي جاب لك الخبر )) .. وبسسسسس
))




لا ولقيت لكم أمثال بعد.. بس هذي عاقله شوي... أقصد عاقله واجد!!



الموت يهزأ بالطبيب (( مثل انجليزي ))

التجربه أفضل من المعلم (( مثل فرنسي ))

إنما يطلب من الزهرة عطرها ومن الانسان أدبه (( مثل هندي ))

الخصام في العائله.. دخان لا يمكن اشعاله أبدا (( مثل نيجيري )) (( ما هضمته !! ))




لا وهذا شعر ما له علاقه بس يالله .. نقوله .. (( فاضيه اليوم الله يصبركم .. ))


لا بقومي شرفت بل شرفوا بي ** ونفسي فخرت لا بجدودي
(( المتنبي ))






....... .. يعطيكم العافيه..

سلام...