ردي على قصيدة سلم على حايل وسلم على شمر

[الصراف]

ردي على قصيدة سلم على حايل وسلم على شمر



يسرني ان اعرض لكم محاولتي المتواضعه لمجاراة قصيدة الصديق ناصر القحطاني
( سلم على حايل وسلم على شمّر ) . التي شدا بها الفنان خالد عبدالرحمن .
آملاً ان تنال على رضاكم واعجابكم ..





[poem=font="Simplified Arabic,4,darkblue,normal,normal" bkcolor="sienna" bkimage="" border="ridge,4,darkred" type=1 line=0 align=center use=sp num="0,black"]



هلا بشهمٍ صدق في رسـم منهاجـه
هلا بمنهو تمثّل فـي جبـل شمّـر
هلا بمن تعجـز القيفـان لحراجـه
ومن حقه إنه على القيفـان يتأمّـر
وصل سلامك ولا يحتـاج ديباجـه
عمّرت صرح الغلا ياعلّـك تعمّـر
نظمت عـذرا تهبّـل فـي تغنّاجـه
لو حاول احدن يجاري حسنها قصّر
يامير الاشعار يامن يحسـده تاجـه
اعذر محاكيك بالقيفـان لـو كـرّر
لو يمرض الجود نادوا فيك لعلاجـه
تعطى البشاره لمن في جيتك بشّـر
لو يظلم الكون نورك يجلب افراجـه
ماعاشرك في حياتك حـي ويكـدّر
يشهد لك ا لليل لامن ضوت ابراجه
ويشهد لك الحبر والاقـلام والدفتّـر
والطيب يشهد لك انك صرت هداجه
نعم المراجل ونعم الاصل والمخبـر
قحطان كنه محيـطٍ تلطـم امواجـه
طوفان عارم ليامن الهـوى زمجـر
ولامن هدا الموج يهدي غالي انتاجه
الـدر واللـول والياقـوت والعنبـر
ما رامهم طامع إلا يرجـع ادراجـه
الليث ماينقـرب خـصٍ ليـا كشّـر
نبراس عزٍ يسـرك فـي توهّاجـه
من خلقت الكون حتى ساعة المحشر
يامن نظمت البيوت وقمت بخراجـه
عسى حياتك سهود ولايجيك الشّـر
منت الذي يحسب بيوته على حاجـه
حنّا هلك والجبل في مثلكـم يفخـر
ولا غابت الشمس محدن دور سراجه
نور القحاطين ساطع في جبل شمّـر[/poem]

[جرواني]

قحطان كنه محيـطٍ تلطـم امواجـه
طوفان عارم ليامن الهـوى زمجـر
ولامن هدا الموج يهدي غالي انتاجه
الـدر واللـول والياقـوت والعنبـر


راااااااااااااااااااااااااااااااائع صح لسانك

[مايكبرني لقب]

كفيت ووفيت سلمت مرارا وتكرارا

[سهرانه]

[align=center]
سلمت يداك صراف
قصيده حلووووه


[/align]

[فهد محمد]

صح الله لسانك يالصراف

[نزيه]

اخوي الصراف قصيده رائعه بكل ماتحمل هذه الكلمه من معاني الف شكرررررر علىهذه القصيده

[ليث]

صح لساااااااااااااااااانك وكفيت ووفيت


عسى الله يعطيك الف عاافيه

[كرمال]

نزية = ممكن جوال الصراف

[نزيه]

اخوي كرمال والله على سلامته ومااقول فيه الا ونعم بس والله مااعرفه

[ابو مشعل]

الله يعطيه العافية ويستاهل الاستاذ والشاعر الرائع ناصر القحطاني ويكفي انه قال ( تحسفت على هذا الوقت الذي مضى ولم اكتب في شمر )

[القروي]

والله نبت عن شمّر يالصراف
قصيده رائعه بشخص يستاهل
بارك الله فيك .

[ابوزيد الشمري]

بيض الله وجهك

[$الوميض$]

ونعم كفو يالصراف,,

عزالله انك كفو وصح لسانك وبدنك

وناصر من لابة طيبه

ويستاهل اللي يرد عليه ويمدحه هو واهله

اجمل الردود اللي قريته على القصيده

لاهنت يالقرم


الوميض

[معكوووس 666]

[align=center]
صح الله لسانك يالصــراف

كفيت ووفيت ،، قصيده ررائعه جدا برعوتك

مع ان القافيه في الشطر الثاني تختلف عن القافيه بقصيدة ناصر القحطاني التي تنتهي بحرفي ( الميم والراء )
لاكنها بلاشك هي رائعه وتستحق الشكر عليها ،،

ولك تحياتي ،،،[/align]

[الوســــيم]

صح لسانك يالصراف
والله انك خطير ومنت هين ههههههههه
صح لسانك للمره المليون