يعني كفرنا وارتكبنا جريمه

[نزيه]

[poem=font="Simplified Arabic,4,white,normal,normal" bkcolor="black" bkimage="" border="none,4,black" type=0 line=0 align=center use=ex num="0,black"]
لليل ناس وللسواليف سمار=والقلب صافي والنوايا سليمه
الغدرماهو شيمة رجال واحرار=الغدر للا نذال مبدا وشيمه
دخيل ربك مابقى عندك اعذار=يكفي دمحنا زلتك والشتيمه
قل للرماد اللي شكى صالي النار=وشلون وقفات النديم لنديمه
قل للسكون اللي سبق ريح واعصار=يبي يمشيها علينا قديمه
الله يبارك بالليالي والاقدار=عرفت نيات القلوب السقيمه
اشوف صار العذر في سلمهم عار=يعني كفرنا وارتكبنا جريمه
ماني على محارم الناس دوار=لاجبت هرج ولا نقلة النميمه
ماجيت ابي عرض الا وادم بالاشعار=ولا جيت ابي للبذر قاعٍ هشيمه
جيت ارتجي رحمة عزيزٍوغفار=مالك سوى الله يالذنوب العظيمه
اخذت مع سجات الافكار مشوار=والحق واضح والظليمه ظليمه
الارض ترجي للسحايب والا مطار=ولا كل ظلٍ يااسود القلب غيمه[/poem]

[همّام]

[align=center]
صح لسانك شاعرنا نزيه
دائما في القمة ما شاء الله عليك
أبيات جميله ومعانيها جزله فلا فض فوك
[/align]

[نادر]

[poem=font="Simplified Arabic,4,blue,normal,normal" bkcolor="transparent" bkimage="backgrounds/13.gif" border="none,4,gray" type=0 line=0 align=center use=ex num="0,black"]
ماني علـى محـارم النـاس دوار = لاجبـت هـرج ولا نقلـة النميمـه
جيت ارتجي رحمـة عزيزٍوغفـار = مالك سوى الله يالذنـوب العظيمـه
ماجيت ابي عرض الا وادم بالاشعار = ولا جيت ابي للبـذر قـاعٍ هشيمـه
[/poem]


[poem=font="Simplified Arabic,5,red,normal,normal" bkcolor="transparent" bkimage="backgrounds/24.gif" border="none,4,gray" type=0 line=0 align=center use=ex num="0,black"]
عز الله أنك مبدع بنظم الأشعار = شعرك يداعب كل نفس (ن ) كريمه[/poem]


صح لسانك نزيه

أقف عاجزا عن التعبير أمام هذه القامة الشامخة

[البرنس]

نزيه
صح لساااااانك
والله أني صرب أدخل كل يوم أدورك يابو

الا وش اسم الولد


يستاهل اللي قيلت له القصيده

[ابووليد الشلاقي]

[poem=font="Simplified Arabic,4,black,normal,normal" bkcolor="transparent" bkimage="backgrounds/15.gif" border="none,4,gray" type=0 line=0 align=center use=ex num="0,black"]
هذا ردي
.
.
.
شاعر يعادل لاكتب خمس شعار= مثل الذهب شعره له اليوم قيمه
غالي علينا ...له معزه ومقدار= والحب لله مايبيله عزيمه
مثل المطر لاهل بالقاع مدرار= هل القوافي ..ياهي نفسه كريمه
ان مايجي بالطيب باعناد واصرار= قاف الشعر لجله بعزه وشيمه
اسمه نزيه بصفحة الشعر تذكار= في غيبته كن القوافي يتيمه
قريت شعره صرت انا اقرا له امرار= اقروه شعره ياملين الغنيمه
يعجبني شعره عنده اسلوب وافكار= ان ماطلع نجم القصايد ظليمه
الله يحفظه ...والزمن قيل دوار= كلن زمانه ياجماعه خصيمه
ان غاب قلنا له سلامات الاسفار= سلامتك ياعل روحك سليمه
مانرضى.. مانقبل..اذا غبت الاعذار= ايام بعدك نعتبرها جريمه[/poem]

[الافندى]

صح لسانك نزيه ... وصح لسان ابو الوليد

[ليث]

صح لسانك يالغالي نزيه ولسان ابووليد
وبيض الله وجهك على هالقصيده
عزالله انها خوش رد
والله يكثر من امثالك
ولو كنت شاعر رديت لك.

[نزيه]

اخي همام مشكور على مرورك العذب

[نزيه]

اخي نادر تقبل اجمل تحيه اخوي والف شكرررررررر على مرورك العذب

[نزيه]

اخي العزيز البرنس تقبل كل المحبه والتقدير على مرورك العذب

[نزيه]

اخي الغالي ابو وليد ماعليك زود ولي الشرف اسعدتني القصيده والله يكثر خيرك وراح نلتقي عند الا فندي في احد الا يام بس مشكلته ماينمسك

[نزيه]

اخوي الغالي الا فندي مشكور على مرورك العذب وكلماتك الرائعه ودمت على المحبه

[نزيه]

اخي الغالي ليث مرورك اسعدني ودائما سباق ولك مني كل الشكررررررررر

[مايكبرني لقب]

ياولد يانزيه دائما ماتتحفنا بجديدك الرائع

مشكوووووووووووووووور

[نزيه]

الغالي رجراج الشكر كل الشكر لمرورك العذب وتعليقك الرائع