مقاطعه جديدة . . . اصمدوااا ياقوم { ::::::::

[عروووبة]

توعدوا بمقاطعة أشد في رمضان
عبر تويتر .. حملة لمقاطعة شركة الألبان المغالية بالأسعار

الرياض – الوئام – مشاري التركي :
خصص مستخدمو تويتر هاش تاق لمقاطعة جميع منتجات شركات الألبان التي قامت برفع الأسعار في الفترة السابقة ، مؤكدين بأن المقاطة ستشمل أي شركة تقوم برفع السعر مستقبلاً .

ودعى رواد تويتير عبر الهاش تاق “ StopMara3i ” إلى مقاطعة الشركة التي تغالي في الأسعار ، متوعدين الشركات المغالية بمقاطعة أشد ضرراً في شهر رمضان المقبل ، الذي يعتبر موسماً لرواج منتجات شركات الألبان .

وكانت المراعي الشركة الأولى التي بادرت لرفع أسعار منتجاتها ، في حين لازالت شركة أخرى تعيش حالة تردد بعد أن كان قرار رفع السعر مطروحاً بالتزامن قرار المراعي .
.
.
.
تعليــــــــــــــقي
يالله نبدأ المقاطعة <<< هذي حيلتنا والشكوى لله
هالجشعين ماينفع معهم كيري ميري
مقاطعه يعنى مقاطعه

تم التحويل من شركة المراعي لأقرب شركة ألبان
نادك
واى وحده من الشركات تتجرأ وترفع سعرها
ابد نلحقها بالمراعي


بعدين وزارة التجارة
وحقين المستهلك
أبى اعرف هذولا وش مكانهم بالإعراب

يامسلمين قسم : ماعمري شفت لهم موقف إجابي أو موقف مع المواطن
انتم متأكدين أنهم موجودين على سطح الأرض

ياربي مهنا أحد يحاسبهم

ياعنك يالشريف ياراعي وزارة الغش انك طلعت من جنبها


المهم
قاطعوا لاارفع بكم للمشرف العام يبندكم

[شمـــاليه]

الله يهد حيلهم راح الطماط وجاء اللبن
وزي ماقلتي حماية المستهلك مدري وش موقعهم من الاعراب
قطع الله نفسهم
شكرا عروبه

[عروووبة]

الله يهد حيلهم راح الطماط وجاء اللبن
وزي ماقلتي حماية المستهلك مدري وش موقعهم من الاعراب
قطع الله نفسهم
شكرا عروبه

اي والله هد ربي حيلهم

عاد رمضان جاي
ويعرفون مانصبر عن اللبن
والقطشه مع التمر

بس لازم نأدبهم بالمقاطعه
لآن فيه شركات ثانية تبي تشوف وش يصير لها عشان يحددون موقفهم
قاطعووووووووووووووووهم
لابو ابليس والشيطان
.
.

[ريانه]

نقاطع مافيه مشكل

[ابو متعب]

من كثرهم مقاطعين مقاطعين

[عبدالله الجبل]

شركة المراعي ليست مغالية بالأسعار مقارنة مع زيادة أسعار التكلفة ...
8 ريالات مقابل لترين من اللبن اللذيذ مبلغ مناسب ...
في دول أخرى تدفع أكثر من 8 ريالات مقابل 200 مل من شراب مشابه للبن ...

[ابومحمدالزوبعي]

أفضل شيء أبي أشتري لي عنزين وحلبهن بلا مراعي بلا بطيخ وحليب طازج كل يوووووووم

شكراً لك ِ أختي

[شامي الدهيمان]

يالبرتقاااااااله

لنا الله لا حماية مستهلك ولا هم يحزنووووووووووون

احترامي عروبة

[عروووبة]

نقاطع مافيه مشكل

شوكريا لتفاعلك
وانا بلغت كل اللى حولى وتمت المقاطعه بحول الله
.
.

[عروووبة]

من كثرهم مقاطعين مقاطعين

شكرا لك ابو متعب
فالهدف اسمى من 8ريالات فى لترين

بارك الله فيك

[عروووبة]

شركة المراعي ليست مغالية بالأسعار مقارنة مع زيادة أسعار التكلفة ...
8 ريالات مقابل لترين من اللبن اللذيذ مبلغ مناسب ...
في دول أخرى تدفع أكثر من 8 ريالات مقابل 200 مل من شراب مشابه للبن ...

لا وتراها سعودية ميه بالميه
وهى من أفضل الشركات

فهل هذا مبرر لاستغلالنا

أبو الليد
هل تظن أنى اعجز عن دفع 8 ريالات
ولا حتى أبو متعب أو ريانة أو شمالية

الهدف اسما من ذلك
ندفعها وحنا نضحك

لكن الفقير المسكين منين له
بعدين القصة مو ريال زاد ولا ريالين
القصة جشع واستغلال وخطط مدروسة
وكل منا يبرر وكل منا يقول أنا وش على

خلني أقولك
قبل كان كرمك الله ( الشعير ) بـ 16 ريال
بقدرة قادر صار 20
نمنا صحينا صار 30
رحنا جينا صار 40
وبيوم ماسمينا صار 50 ريال
الحين لو تطلع عيوننا مستحيل يرجع لسعره 16
وان انتكس يمكن يرجع لل41 وياقف
لاشفنا حماية مستهلك
ولا شفنا وزارة تجاره
ولا شفنا مسؤول سأل أو تكلم

حتى أجدبت الأرض من طمعهم وجشعهم
.
.
ترى أقولك شي
والله اللي اسمه الله
إن لنا حوالي 4 شهور
مانشرب إلا لبن طبيعي وربي يسلم يدي الغالية
ولا اذكر اخر مره شرينا به لبن . . . نشري زبادى وقشطه بس

لكن . . . المسكين اللي مايقدر يتكلم ولا يعترض ولا له حيله
شلون ياقف قدام هالطمع والجشع

ولا وأبشرك بعد الشركات الثانية ناوين يرفعون لكن ينتظرون نتائج مافعلته هذه الشركة

المهم : حنا مقاطعين بإذن الكريم
كان لذيذ ولا ماكان لذيذ

.
.
حياك

[عروووبة]

أفضل شيء أبي أشتري لي عنزين وحلبهن بلا مراعي بلا بطيخ وحليب طازج كل يوووووووم

شكراً لك ِ أختي

وخير ماتسوي

شف كم واحد من الربع
وحطولكم شبوك
وجيبوا هندى يلعفهن ويحلبهن لكم
وكل يوم الحلبه ياخذها واحد
وراح تشوفون الخير
لبن
وحليب
وزبد
ودهن
وكله شغل نظيف وعااااافيه
لامبستر
ولا مقستر

<<<< راحت فيها المراعي

[عروووبة]

يالبرتقاااااااله

لنا الله لا حماية مستهلك ولا هم يحزنووووووووووون

احترامي عروبة

ابو نوف
تقاطط مع ابو محمد
وخلوهن 4 معزا

عاد يقولون السنه الجاية إن شاء الله ربيع ماصار

[عروووبة]

نفت شركة المراعي في البحرين رفع الأسعار على المستهلك البحريني
يعني الزيادة كانت من نصيب المستهلك السعودي
وهناك حديث عن الكويت والإمارات بأن الأسعار لن ترتفع .
.
.
ليه حنا بالسعودية البطة السوداء


طبعا المقصدود بالمملكة بالعنوان هي مملكة البحرين

[أرطبون العرب]

مقاطعينهم مقاطعينهم الله لايعوق من شر ^,^ ماتبيننا نسوي هجوم كاسح
على ديناتهم( سياراتهم ) لاصاروا يوزعون عند المحطات بعد . ^,^

ترى أقولك شي
[/COLOR]والله اللي اسمه الله
إن لنا حوالي 4 شهور
مانشرب إلا لبن طبيعي وربي يسلم يدي الغالية
ولا اذكر اخر مره شرينا به لبن . . . نشري زبادى وقشطه بس

كفو والله ^,^
والمقاطعة سوف ابثها بالبلاك بيري ^,^ <<أبشرك معي بلاك بيري ههههههههههه
الحملة تحمل أسمك عروبة لمقاطعة المراعي لاتوقف ^,^
[IMG][/IMG]

ترى مالي دخل إذا أعلنت أفلاسه شركة المراعي كله منك ياعروبة