بداية رمضان انمرضت انا والمعزبة واكثر العيال الا ولدي اللي يدرس بثاني ابتدائي.

يوم قرب موعد باص المدرسة لقيناه مهو لابس ملابس المدرسة.
صحنا عليه وقلنا يالله بسرعة رح البس والحق الباص.

لبس وراح.
ما طول الا وهو جاي يطق.
فتحوا له الباب واول ما دخل طش الشنطة
وقام يتزقلب (يتشقلب) وهو مبسوط ويقول طافن الباص طافن الباص.

قلت لامه خيرة خليه يتريح اليوم وان شاء الله اخوه يتعافى ويروح معه باسر.

يوم داوم عطوه ورقة يسالون عن سبب غيابه.
كتبت لهم : طافه الباص.