يوجد لدينا أختلاط

[منبع الثلج]

تعال أيها المدرعم على قفاك ...
بالنسبة لنقطة إن الذكي بني آدم ..ولديه أحاسيس وينفتن بالنساء ...فصدقني أنا اتفق معك جملة ً وتفصيلا
ماشفت شعب مشفوح على النساء بقدر السعوديين ..وينفتن من كيس زبالة أسود ..شلون لا شاف حرمة ..تسولف وتتحرك ..عاد الله يعينه على بلواه

وثانيا ..ياشيخ مكعبات الجليد ..من قال لك إني اصيف في دول العالم الأول ...انا كل صيف تلفحني حرارة الشمس وأنا ادور مكان بارد لغنمي ...وشايلة بيت الشعر من مكان لمكان سعيا في الحصول على مكان ملائم لي ولمن معي من حلال وإبل ..
فلا تلومنا أيها الشيخ القادم من polar area وياخي انت رهيب ...فنان وخطير ومثقف و و و و

وجامعة الملك عبد الله غلطان طويل العمر يوم انه فتحها عندنا ..مادرى ان الشعب يبغون أكاديمية لتعليم رعي الغنم ومطاردة الإبل ...( ادري بتقول الرسول عليه الصلاة والسلام كان راعي غنم ..ولكن مافي مجال للمقارنة بينك وبينه ..يظل خاتم الأنبياء ..وانت بتظل مشفوح وزير نساء )

وأخيرا
أشكر اخي سعود على تأييده لكلامي ...ويبقى العقل سيد الموقف ..

ــــــــــــــــــــــــــــــــــــــــــــــــــ ـ

لالالا هذا اللي يبي يجبرن أخربه وأكتب فيه معلقه هجائيه وأعلقه على خشمه ههههههههههه

بعدين ليه ماشكرتن على كلامي والا ماتشكر الا اللي يوقف معك يالكمخه هههههههههه الكمخه = الذيب

نرجع لمحور حديثنا :
أولاً تقول مافيه احد مشفوح على النساء مثل السعودي ؟ طيب انت مو سعودي والا الأخ نيبالي ؟ ياخوي مو كل السعوديين مثل ماتقول وأنا والحمدلله ماني من المشفوحين والا كان الأختلاط عادي عندي مثل ماهو عادي عندك طال خشمك .

بعدين ماأدري وش فايدة الكلام هذا ( انت رهيب . فنان . وخطير . ومثقف ) مادري وش فايدته يوم تحطه بنص كلامك ؟ بس للمعلوميه من ناحية رهيب فأنا رهيب ومن ناحية فنان فأنا فنان ومن ناحية خطير فأنا خطير ومن ناحية مثقف فأنا مثقف وللمعلوميه أنا الحين اقولك كلامي هذا وأنا بقمة تواضعي

وغنمك تشيله توديه تسقيه توكله وش علي انا . تلقاهن كلهن نعجتين وخروف اجرب مسوي فيها قطيع ههههههه

بعدين مادري . انت تقول مادرى الملك ان الشعب يبغون اكاديميه لرعي الغنم وبعدها تقول الرسول عليه الصلاة والسلام كان راعي غنم ؟ ياخوي تتكلم وترد على نفسك انت ههههههههههه وأكيد مافيه مقارنه بيني وبين الرسول ومافيه مقارنه بعد بينك وبين الرسول . محمد عليه الصلاة والسلام يبقى صفوة الخلق وأنت مع احترامي لك تبقى كمخه ، راسك فاضي مافيه إلا خيط لو قطعناه طاحن أذانك هههههههههههههههههههههه

ياكثر نقاطك وياقل بركتهن .

قهر الرجال . أنا الشيخ منبع بن أبي ثلجه ملبس الشمس نظاراة أبعث لك خالص تحياتي وقبلاتي وتقبل خربشتي . هـع هـع

وشكرا . عفوا