تعلم البحرينيه بدون معلم في يومين فقط

[الدب الداشر]

[align=center]قاموس أهل البحرين


عرنجوش

: هي من الكلمة الانجليزية orange juice
..وصارت كلمة تنقال لكل انواع العصير هههههه ماعندهم وقت
زنجفره : فنيلة
سريده : بروده
لبلب : يقولون حق الشخص اللي يتكلم بطلاقة
تمبه : كرة
دون : قريب
قميظة : حسافة
مملوح : وسيم
أدناة الدون : اقل شي
ورا = ليش
قطه = أرميـه
سبيتار = المستشفى و اعتقد انها يايه من hospital
الدختر يعني الدكتور .. أكيد تعرفون
عمبلوص = سيارة الاسعاف و يايه من ambulance خخخخخخخخخ
محيوب = ممنوع من شيء
ميهود = مريض
سقطه = حر
سهده = هدوء
ميوه = خضرة و فاكهه على ما أظن
قلج = صعب
غلّق الوقت = تأخر الوقت
عكس = صوره .... مثلاً خذلي عكس يعني صورني








عكوس = صور
الجابله = بكره
بست = باص
قيلمه = سلحفاة
قريظة : لها معنيين ( قليل) و ( بعد شوي)
انشد : اسأل
دويحه : دائرة

(مع خدودك الدويحات هههه).. والله فله
تميل عليك : طاح حظك
ربل : بلاستك أو مطاط

مأخوذة من كلمة Rubber


دندره : ازعاج
سحة : تمر
نيشان : علامة أو إشارة
قراده : حظ سيء
فرم : فرن
نحو الأمية : محو الأمية
نوبة الثانية : مرة ثانية
هالنوبة : هالمره
كشته :رحله
الللابله :عقب باجر
قطيع :حمام الله إيعزكم
دجه :عتبه
أمسيان:المغرب
دهريز:مدخل البيت
كرفايه:سرير
دزدان:شنطه
كشمه:نظارة
قبقاب:إنعال الله إيعزكم
روشنه:حفره في الطوفه في غرفة النوم لوضع الأغراض
خرمس:ظلام
حزاه : قصة
إحبيبة : قليل
يزرط : يبلع بدون مضغ
هبيط : منخفض
نمونه : أخلاق او مثلا عادات الشخص (نمونته طيبة) يعني طيب الاخلاق ومن عايلة زينة
نمره : رقم
حفيز : office مكتب
بارظ : مزاج
قصله : قصير
بريج : ابريق
بيديو : فيديو

عطني البيديو يالسبااال هههههه

يحليلكم عود لاتزعلون عليـنـّا ترى نحبكم وااااايد


.


الموضوع برمته .. منقول من رسالة وحده من بنات المنتدى لها قروب .. وأنا مشترك فيه ..

والله إذا صحيح كلامهم كذا .. تعتبر العنا تتكلم العربية بطلاقة ..
ههههههههههههههههااي ..[/align]

[المديرالسعودي]

شكرا لك على ايراد المصطلحات السابقه

[الذروي]

هههههههههههههههه

الدب الداشر الله يقطع سوالفك يعني العنا =لبلب= خخخخ

الله يرجك مشكور حجي...

[*العنا*]

[align=center]ههههههههههههههههههههههههههههههههههههههههههآآي

كشـــــــــوووخي حده الموضوع > لأن فيه علم البحرين ديرتي فديتهاا

> لا جد أتكلم ..

:

:

بس أعذرني > بدت في التفلسف ..

بما أني متذوقة لهذي اللهجة ،، في بعضها مو صحيحة جد و الله ..

:

دبــــدوب ...

تذكــر أول ما دخلت المنتـدى ..

و كنت ما أعـرف للهجتــكم ..

و كنت أسألكم ،،

و أنت تطنز عليّ و تقولي ..

يبي لج نسخة الوافي البدوية ..

عـــأد إلحيــن ..

يبي لك نسخة الوافي البحرينية عشاان تصحح قاموسك اللي كله أخطاء و ناقص ..

> عشان هذي لهجتها -> شايفة نفسها خخخخخخخخ ..

:

الموضوع برمته .. منقول من رسالة وحده من بنات المنتدى لها قروب .. وأنا مشترك فيه ..

والله إذا صحيح كلامهم كذا .. تعتبر العنا تتكلم العربية بطلاقة ..
ههههههههههههههههااي

ههههههههههههههههههههههههااي ..

لااا عأد هذي لهجتي الأم ، جد و اللـه ..

بس الزمن و الظروف ، و المدينة و ...... و ........... و .......... ،،

حكمت علينا بلهجة مو لهجتنا ..

آآه يا زمن ذكرتني بللي مضى > متأثرة يعني ..






:


دبـــدوب ..

مشكــــــــــوور ع الموضوع ..

و ما قصـــرت .. و يعافيك ربي ..

و عقبال ما تآخذ دكتــوراه في اللهجات الخليجية ..[/align]

[سام شمر]

هههههههههههههههههههههههههههههه
احلا شي ادنات الدون هههههه
الله يعطيك العافيه اخوي الدب
:d

[نادين]

خخخخخخخخخخخخخخخخخخخخخخخخخخخخخخخخخخخخخخخ


العنا

فهمتي كل الكلمات


كشمه>> ليها علاقه بخشمه

[ابن روما المدلل]

دندره : ازعاج



وعندنــا بلهجتناا سندرة ...يالله يالعناا مثل ما تعلمينا لغتك بعد خنا نعلمكـ ...


دبدووووب نزلـ حزمة اللغة حقتنااا آخر إصداار 2007 ...يالله السوق مرتفع ونبي نكسب



صفووا بالدور كل واحد يآآخذ نسخــة ..دبدوووب وزع النسخ ...وانــا المحاااسبه >>بدى شغل النصب هههههههههه

[*العنا*]

[align=center]

خخخخخخخخخخخخخخخخخخخخخخخخخخخخخخخخخخخخخخخ


العنا

فهمتي كل الكلمات


كشمه>> ليها علاقه بخشمه

ههههههههههههههههههههههههههههههههههههههااي ..

لها ،، بس من جهة خال عم جار ولد ابو جيران عم جد جد جدهم ..

لا بس ع الوزن لا غيــر ..


:

و صج فاهمتهم كلهم ،، و فيهم أخطأ وآيد ..

لا تعتمدون قاموس الدب تراه مو صحيح خخخخخ ..[/align]

[بنت الخليج]

إبن روما المدلل معظم ما جاء في قاموس دبدوب غير صحيح أو في كلمات يستخدمونها كبار السن،بالنسبة لدندره ما نستخدمها ولا عمري سمعت بها..........نقول سندرة ،مثل ما نقول سندرتني فلانة يعني أزعجتني.

[*العنا*]

[align=center]

...يالله يالعناا مثل ما تعلمينا لغتك بعد خنا نعلمكـ ...

خخخخخخخخخخخخخخخخخخخخخخ ،،

لا و الله ،، مو أنا ..

إذا قصدك على ذا ..

الموضوع برمته .. منقول من رسالة وحده من بنات المنتدى لها قروب .. وأنا مشترك فيه ..

لا و الله مو أنا و لا عندي قروب و لا ششي ..

:

و مابي أتعلم لهجتكم ،، دبدوب فششلني ذيك المرة خلااص مابي ..

:

دبــدوب ..

أسمـح لنا عااد ،، معتبـرين الصفحـه صفحتنـا ولا يهمكـ ..[/align]

[بنت الخليج]

[QUOTE=الدب الداشر;179152][B][size=4][color=#8B0000][align=center]قاموس أهل البحرين


عرنجوش

: هي من الكلمة الانجليزية orange juice
..وصارت كلمة تنقال لكل انواع العصير هههههه ماعندهم وقت
زنجفره : فنيلة ............ما نقولها
سريده : بروده ...........أول مرة أسمع به
لبلب : يقولون حق الشخص اللي يتكلم بطلاقة .......ما نستخدم هالكلمة ،بس نقول ع سبيل المثال تتكلم فرنسي بلبل
تمبه : كرة......................الله و أكبر نقول كورة
دون : قريب................أول مرة أسمع إن دون قريب
قميظة : حسافة ..............نقول قميظة
مملوح : وسيم .............نقولها
أدناة الدون : اقل شي.............نقولها ،مثلأ: تزعل على أدناة الدون
ورا = ليش ..................نقولها ،مثلاً: ورا ما تسألين عنا
قطه = أرميـه ................نقولهأ،مثلا: قطي علي الدفتر
سبيتار = المستشفى و اعتقد انها يايه من hospital ..............ما تنقال ألحين يقولونها الكبار بالسن أول

الدختر يعني الدكتور .. أكيد تعرفون ...............للحين الكبار بالسن يقولون دختر
عمبلوص = سيارة الاسعاف و يايه من ambulance .............كلمة يستخدمونها الكبار بالسن أول
محيوب = ممنوع ................... أول مرة أسمع هالكلمة
ميهود = مريض ............بعد ما عمري سمعتها
سقطه = حر....................ما عمري سمعتها ولا أظن إنها تستخدم
سهده = هدوء................نقول سهده بمعنى هدوء أو نستخدم كلمة صخه
ميوه = خضرة و فاكهه على ما أظن ............نقول ماجلة ما نقول ميوه ولا عمري سمعتها
قلج = صعب...............نقول غلج بمعنى شديد الصعوبة
غلّق الوقت = تأخر الوقت...................ما نستخدمها
عكس = صوره .... مثلاً خذلي عكس يعني صورني...................تستخدم من مليون سنة ،بس ما تستخدم ألحين








عكوس = صور .........مثل ما قلت كلمة إندثرت مع الزمن
الجابله = بكره...................نقول الجابله بمعنى بكرة باليل
بست = باص...............يستخدمونها كبار السن
قيلمه = سلحفاة.....................أول مرة أسمع إن السلحفاة لها أسم ثاني
قريظة : لها معنيين ( قليل) و ( بعد شوي) ..................يستخدمها البعض بمعنى قليل مو بعد شوي
انشد : اسأل ...................صحيح نقولها بمعنى أسأل
دويحه : دائرة.............يستخدمها البعض


تميل عليك : طاح حظك ..................لوووووووول أول مرة أسمعها ،ما نقول إلا طاح حظك
ربل : بلاستك أو مطاط...........صحيح

مأخوذة من كلمة Rubber


دندره : ازعاج ،نقول سندرة،و سندرتني فلانة أو سندرني فلان بمعنى أزعجني
سحة : تمر............نقول تمر و أول مرة أسمع بهالكلمة
نيشان : علامة أو إشارة............نقول نيشان صحيح
قراده : حظ سيء...........صحيح مثلا بنت الخليج مقرودة
فرم : فرن...........نقول فرن مو فرم
نحو الأمية : محو الأمية ...............و نقول محو الأمية
نوبة الثانية : مرة ثانية..........نقول مرة ثانية و البعض يستخدم نوبة
هالنوبة : هالمره............مثل ما ذكرت تستخدم عند البعض
كشته :رحله............على ما أعتقد كلمة كانت تستخدم قديما
الللابله :عقب باجر............نستخدمها بقصد بعد بكرة باليل
قطيع :حمام الله إيعزكم.............نقول حمام (تكرمون) و على ما أعتقد يسمونه(أدب) أول
دجه :عتبه.............صحيح
أمسيان:المغرب ...........أظن إنها تستخدم ماني متأكدة
دهريز:مدخل البيت ..........كانت تستخدم عند كبار السن
كرفايه:سرير.............صحيح ،جدتي الله يطول بعمرها تقول كرفاية
دزدان:شنطه ..............جزدان ،بمعنى شنطة يد نسائية
كشمه:نظارة ..................كانت تستخدم أول
قبقاب:إنعال الله إيعزكم ............نقول نعال(تكرمون)
روشنه:حفره في الطوفه في غرفة النوم لوضع الأغراض ..............ما أعرف شي عن هالكلمة ،يجوز إنها تستخدم قديما
خرمس:ظلام ................صحيح كانوا يستخدمون كلمة خرمس للتعبير عن شدة الظلام
حزاه : قصة ...................ما عندي أي فكرة
إحبيبة : قليل.......سألت و قالوا لي إن البعض يستخدمها
يزرط : يبلع بدون مضغ ..............أول مرة أسمع بهالكلمة
هبيط : منخفض.......نستخدم هالكلمة
نمونه : أخلاق او مثلا عادات الشخص (نمونته طيبة) يعني طيب الاخلاق ومن عايلة زينة............الله و أكبر !!! ما تستخدم أبدا
نمره : رقم..............صحيح يستخدمونه الكبار بالسن
حفيز : office مكتب...............ما نستخدم هالكلمة
بارظ : مزاج ...........يستخدمها البعض،أسمع ناس يقولون مالي بارض
قصله : قصير ..................عن نفسي أول مرة أسمعها
بريج : ابريق ............ما أدري
بيديو : فيديو..طبعا غلط و نقول فيديو



طبعا معظم ما جاء في قاموس دبدوب كلمات كانت تستخدم من مليون سنة ،و الكبار بالسن مازالوا يستخدمون بعضها
شكرا أخ دبدوب

[*العنا*]

[align=center]

طبعا معظم ما جاء في قاموس دبدوب كلمات كانت تستخدم من مليون سنة ،و الكبار بالسن مازالوا يستخدمون بعضها
شكرا أخ دبدوب

ههههههههههههههههههههههههههههااي ..

بنت الخليـج ،، وينـج من الدنيـا و النـاس ..

روحــي للمنـاطق اللي في الشمـالية ..

و تحديداً القــرى : المالكية \ سترة \ العكــر \ ...... و ..... و ..... ،،

بس متمركزة اللهجـة أكثــر شـي بذولا المنـاطق ..

كشــخـه لهجتهم ،، عا ولا ستــرة و العكــر حالات خاصة ..


:

وش كثـــــر فيهم جد و اللــه ،، و أنا سابقاً منهم لا تنسـيـن ..[/align]

[ابن روما المدلل]

هذا قاامووووس من زمااان يا دبدووووب ..اتصلت بوااحد اعرفه وقاال ..قامووس الشيبااان الاولين ..


بمعنى انه عند البدووووو مثلنــا ..يعني احتفظ بالحزمه الجديدة حقتنااا .


.يمكن نلقى لهاااا رووااج ...



العناا شكلهاا ما تبي هالنسخة ....



من يشتررري >>خوووش دلااااالــ صرنا بحرااااج ههههههه

[ابن روما المدلل]

صح نسيت يالعنـــا او بنت الخليــج ... عندي استفسااااار ...





شنوو تسمووون يووسف افندي عندكمـ ...حسب علمي له مسمى خاااص ...



نرجووووا سدحه هناا لكي يستفيد الدب ... ويطور من لغته >>متى صارت لغته ههههههههه

[بنت الخليج]

[align=center]

ههههههههههههههههههههههههههههااي ..

بنت الخليـج ،، وينـج من الدنيـا و النـاس ..

روحــي للمنـاطق اللي في الشمـالية ..

و تحديداً القــرى : المالكية \ سترة \ العكــر \ ...... و ..... و ..... ،،

بس متمركزة اللهجـة أكثــر شـي بذولا المنـاطق ..

كشــخـه لهجتهم ،، عا ولا ستــرة و العكــر حالات خاصة ..


:

وش كثـــــر فيهم جد و اللــه ،، و أنا سابقاً منهم لا تنسـيـن ..[/align]

هلا هلا العنا،والله يمكن للحين يستخدمون هالكلمات،بس أعرف إن هالمناطق لهجتهم تختلف تماما عن قاموس الدب الداشر،اللي بقاموسه لهجة أهل المحرق الأوليين
العنا حبيبتي شلون سابقاً منهم،والحين؟؟ إذا تقصدين أصلج يرجع لهالمنلطق فالمفروض تقولين جذوري ترجع لهالمناطق مو سابقا منهم.....سامحيني على التدخل بس حلو إن الواحد يعتز بأصله