ريجيم ينقص 8 كيلو جرام في 10 أيام

[الدب الداشر]

لما قلت الوقت مو مهم كنت اقصد مو ضروري تكون المده قصيره >> يعني من عشرة ايام الى اسبوعين .

اما حكاية السوائل .. فترجع بمجرد شرب الماء
<< ماقتنع ابدن بالساونا وبدلة التخسيس .( احسها مويه وترجع مهي دهون )
ولما قلت لك مهي راضيه تنزل كنت جاده .. مارضت تنزل هالاربع كيلوات مع اني مشتركه بنادي ومسويه حميه . لكن قريت مره للدكتور رشود الشقراوي ان مسارت الدهون قد تتسكر ويمكن فتحها بالمساج والتدليك ..كيف ومتى ماقال :(

بما انك خبره ابي نصايحك ..مابي احرق كتابك .. لكن مايضر تهرب لنا منه ..

<< شكلي جبت لنفسي شبهه تحسبوني دباا:i

ههههههههههههههههههههههههههههههههههه

لا حجية واضح أنك أنسانة تسعين ناجحة .. وفكرة أن ما يسوي رجيم إلا السمين أنتهت .. الحين والحمدلله فيه ناس تنتبه وتحافظ على صحتها ..

بالنسبة للعرق .. الماء وحده ما يعوض ما يفقد الجسم من أملاح .. التوصية بالإكثار من شرب السوائل عموما ً + التغذية السليمة ..
وبدلة السونا حذرت من الإكثار منها وزارة الصحة الأمريكية وأقرت أنها تساعد بالتخلص من السموم بس إستخدام محدود .. هذا هو السبب اللي دعم فكرة أني أجربها .. مع أني ما لبستها إلا ثلاث او اربع مرات من شهور .. وتحس أنك تقع تحت ضغط إذا لبستها وتستنفر جسمك كامل .. ويسخن .. ويخرج العرق عشان يوازن درجة حرارة الجسم .. فيصير الجسم بمعركة .. أنا كنت ألبسها بيوم مافيه تمرين .. يوم راحة .. وكنت أستخدم النوع الطبي منها .. اللي يجي فيها قطن من داخل .. عشان ما تغرق المسام بالعرق ..

والمساج ممكن يكون له دور بس مو مثل ما أنتي متصورة .. بالنسبة للدهون قصدي .. لكن بالنسبة للرياضة فالمساج مهم كل فترة .. لدرجة أن لاعبي كمال الأجسام الكبار يسوونه كل شهر تقريبا ً .. وأذكر دخلت نادي بالخبر .. يعطي 4 جلسات مساج سويدي للاعبي الحديد كل شهر .. يعني بشكل أسبوعي ..

على فكرة اللبنانيات يسون المساج بشكل شبه يومي ..

والأربعة كيلوات اللي رفضت تنزل .. ما أدري كم نزلتي قبلها لكن خليني أوضح لك الصورة بكلام طبي علمي .. يعني مو مني ..

أشبه لك المخ وممتلكات الجسم .. بالطيار والطيارة ..
الطيار المخ .. والطيارة الجسم ..
الطيار أمامه عدادات لما في الطيارة من زيت وكيروسين وإرتفاع ووو إلخ ..

تخيلي إنك الطيار .. وأنتي تسيرين بثبات فترة طويلة والوقود ثابت .. فجأة يبدأ الوقود ينزل بشكل مفاجىءوسريع ..

تصرف المخ عند فقدان الجسم للوزن .. أنه يبدأ يقتصد ويصير عنده شـُـح بالإستهلاك .. يعني إذا كنتي تستهلكين مثلا ً 1500 سعر حراري في جلستك الرياضية .. فالمخ في هالحالة يخليك تستهلكين مثلا @ 600 سعر .. مع أنك قمتي بنفس المجهود وبنفس اللبس والجو ووو كامل الظروف ..

وصلت الفكرة ..

طبعا ً الحل أتوقع أنه واضح ..