وأبوك في الجنة إن شاء الله ..
أكذب عليك ويكذب عليك أحد إذا أفتاك في حرق السعرات الحرارية من خلال قييم كذا في الإنترنت .. لأن الدراسات على وحدات الحرق غالبا ً أجريت برى وفيها متوسط يعني شيء تقريبي ..
ممكن أبذل نفس جهدك ونفس وضعك تماما ً بس رايح يكون حرق السعرات عندي أعلى لأن نسبة العضل عندي عالية ..
ويختلف معدل الحرق من شخص لشخص حسب حتى النفسية .. " ما عمرك شفتي أحد أنحرج ونزل العرق منه .. ؟ وهو جالس ما بذل أي جهد .. "
لكن معدل الحرق بالنسبة لرياضتك تقريبا ً .. 450 سعر حراري في الساعة يعني ساعة إلا ربع معدل الحرق عندك تقريبا ً = 338 سعر حراري .. وبالتأكيد رايح يزيد مع الوقت لأن العضلات تنشط معك ...
والسير المستخدم فيه حساب سعرات حرارية .. والأيروبيك .. تقريبا ً 550 سعر في الساعة ..
يعني تحرقين 1000 سعر فقط في جلسة التمرين الواحدة .. ناهيك عن أنك مجهودك اليومي وعملك وتفكيرك ونومك ..
أنصحك بقراءة كتاب الحمية القاضية على الشحوم للدكتور إيان سميت .. قيمة الكتاب أعتقد 9 ريال أو 19 ناسي والله .. بس فيه قياس للسعرات الحرارية عالي الدقة .. وواسع .. يعني حتى كوي الملابس حاسبه حتى العناية بالحديقة ..
بس هــاااه .. لاحظي أنهم أكبر مننا أجسام يعني الحرق عندهم أعلى منا بس بشيء بسيط يعني الفارق ممكن يكون 5 % أو 10 % ..
المكملات أيش بالضبط ؟
فيتامينات أعتقد ؟
ملتي فيتامين .. هو اللي يحتاجها الشخص يوميا ً طبعا ً يعطونها اللي رابط المعدة واللي برضو مسوي رجيم من رجيمات 2000 .. بالإضافة إلى الكريمات المغذية للشعر ..
ولا تغني عن المصادر الأساسية للفيتامينات ..
الله يعافيك حجية أمواج الشرقيةالسباحة ومدرية الآيروبيك .. أذكرك مرة قلتي أنك مدربة وسباحة .. قلت بقلبي أهبي ..
وبالنسبة لصعود الدرج .. بيني وبينك .. ما ينفع كرياضة رسمية .. لأن فرق الحرق في السعرات مافيه فرق يستاهل والصعود فيه حرق عالي بس النزول حرقه أقل من الآي روبيك .. وغير كذا أن صعود الدرج ونزوله بغرض التخسيس يضر الأربطة والركب .. يعني الشخص وزنه زايد .. وقرأت معلومة غير موثوقة أن كل كيلو زيادة في البطن يضغط على الركبة بمعدل 8 أضعاف ما ضغطه كيلو في مكان آخر .. وكل كيلو في الفخذ يضغط بـ 16 ضعف على الركبة .. أرقام خيالية ومهولة .. لا شك أنها فيها شيء من الصحة لكن بالضبط ما أذكر المصدر ..
حياك الله ياكوتش
حياك الله حجي قناص ..
النحيف اللي يآكل واجد .. هذا يعتمد على تحكم البنكرياس والإنسولين في الدم ..
( أم يحسدون الله على ما آتاهم الله من فضله ) .. شيء من الله وأذكر ولد عمتي آفة .. بالأكل يوم كنا صغار ما كان أحد يآكل أكثر مني إلا هو .. ومع ذلك لليوم نحيف ولا زاد .. ماشاء الله .. ولاهو رياضي ولا راعي حركة .. بس من الله ..
.
والسمين اللي ينحف ما يحتاج رجيم .. إلا بالبداية يحتاج تنظيم .. حتى يتعرف المخ التغيير الجديد .. ويبرمج الحاجات والتغيرات وتصغر المعدة .. نفس المجتمع .. أول ما تنحف ما يتقبلك ولا يتقبل حتى شكلك ..
أخوي في بريطانيا .. ومن زمان عنه .. وأنا في البدايات .. ورجع في شهر 7 .. عاد مرسل له صوري وشايفني بالكام .. بس بعد ما جيت وسلمت عليه .. زوجته ساكته وهو يطالعني وساكت .. يوم سولفت معه قام يضحك .. مآهو متصور الإختلاف ..
بس جلس معي لبعد العيد وتقبلني بشكل الجديد ..
اشكر لك طولة بالك ..الف شكر خيوو
والمكملات اللي اخذها فيتامينات + مضادات الاكسده ( اخذتها بوصفه طبيه )
ان احتجنا شي جينا لك هنا ..لاتبعد
سلام
إذا بشرتك وشعرك يتضرر معناته المكملات فيها خطأ أو نقص .. أو الرجيم فيه خطأ لأن أسمها مكملات ..
بإمكانك سؤال مختص آخر .. خصوصا ً عن موضوع تساقط الشعر ونظارة البشرة وأطراف الأظافر ..
,
العفو حجية ريانه .. أنا أستمعت بالتمرين الثقافي ..
وان احتجتي شيء بخدمتك وبخدمة الجميع ..
وعليكم السلام ورحمة الله وبركاته
التعديل الأخير تم بواسطة الدب الداشر ; 12 Oct 2009 الساعة 06:09 AM
من طلع الاشاعه ان شعري متضرر وبشرتي منهو :(
خخخخخخخخخخخخخخخخخ
بالنسبه للمكملات ومضادات الاكسده ضروري الواحد ياخذها بعد 20 سنه للحفاظ على الصحه والنظاره
وبعدين تعال بقولك :
تكفى اخوي لاتقول لي حجيه >> الا اذا هذي لهجتكم ياهل رفحاء تقولون حجي وحجيه في سياق الكلام .
يعطيكـ العافية دبدووب ..
الله لا يحدنا على الريجيم ...
مواقع النشر (المفضلة)