ولد .. ولد .. مبروك ولد ...

ياعله مبروك ان شالله
بالله وصل تبريكاتي للشايب خخخخخخخ


أحيانا أشعر أن "أبي " يستخدم في تقييمي نفس النظرات التي يستخدمها في تقييم " النعيمي" عندما يقرر شراءه من " وقفة " الغنم ... ويشتري غيره

أحمد ربك يارجال ترى (النعيمي) موب سهل فيه ناس تقييمهم تيوس ومريااااع



إلا أنه من المؤكد أنه كان يوما عصيبا على أمي لا سيما وقد ولدت في "المسلخ" القديم حيث يمكنك سماع صياح المرأة عندما تزور أخرى..!!

يارجال بديت أشك إنك (نعيمي) من جد مودينك لمسلخ >> خروووف خخخخخخخ
أجل مالحقت على مستشفى (التابلاين) تدري اني مسجل عندهم بالأحصائيات
حقتهم اني أخر واحد انولد بالتابلاين>> وقفلوه عقبي >> بكاااااااش

اما الجديد فلايختلف حاله عن موريتانيا الشقيقة كل أربع شهور ونص مدير ... !!!
والجديد إني توني عرفت ان موريتانيا (الشقيقه) توأمك >> تزوجنياها وأوعدك أستمر
مدير لها طوووووووول العمر >> ياقلبي ياموريتانيا



كنت كأي طفل في الحارة أحب المشي حافيا ولا اخلع ثوبي حتى أجبر على ذلك واستحم في الأعياد وفي أول يوم من المدرسة
سيم سيم انا بس أحياناً أصير احسن منك من جمعه لجمعه وطبعاً بينهن جمعتين
أما المشي حافي أحسن شي عشان تشوت الكوره بالبووووز >> له طعم
ولاتنسى قانون الثوب فاول >> غبااااااااار كح كح هههههاتشو >> حمد لله


إلا أن بلدية زمان تتميز بتوفيرها لأكياس القمامة وتلك الأكياس كانت مجانية وخطيرة في نفس الوقت حيث كان العمال يرمونها في الصباح الباكر في أفنية المنازل ، وكثيرا من " شيبان وعجز الحارة" كانوا يفضلون النوم في الفناء ولك أن تتخيل ما يحدث ....!!
ياكم مره قمنا بنفخهن وما أن تمتلئ حتى نقوم بالقفز عليها لكي نستمتع بصوت الأنفجار المدوي>> بوووووووووم >> وشبلاي قلبت فصحى خخخخخخخخ
بس له طعم لا صنت بجبهتك وانت نيم بالحوش واااااااااااو على طول تقوم نشيط
وتاخذ النبيطه ولأقرب حديقه تستمتع بزقزقة العصافير >> كل هذا وانت ماغسلت
وجهك وعيونك مرمدات


في طفولتي كنا –وأعني بكنا جميع الأطفال- نحاول أن نثبت للجميع بأننا لسنا حشرات فما أن نرى سيارة البلدية التي تحمل المبيد الحشري حتى ننطلق خلفها مستمتعين برائحتها النفاذة خلافا للحشرات التي تهرب أو تموت من تلك الرائحة ...كانت طفولة جميلة
جبتها ع الجرح وتسنك مادريت !! وش (مبيدوه) ياخي انطق بالصراحه وقل (الفليت) عشان
نتفاعل ونحس ماحنى مثقفين >> خلنا فطريين وبديت أشك صراحه بمصطلح الفطريين
هو اللي خلانا نصير فطريات والفطريات هي بسبب الحشرات وعشان كذا كنا مدمنين فليت
معلومه مهمه ولد الشايب سجلها عندك

بس تصدق أخوي والله كان لها نكهه كنا نركض وراه وماندري الا طابين بالغلط على حارة
أعدائنا وخذ ياتشويت >> يقولون جابكم الله دقو القمرق ههههههههههه


•هل سمعتم عن مشروع ترفيهي مخصص للأطفال دون السابعة؟! ..أنا لم أسمع ..
•هل سمعتم عن مهرجان مخصص للأطفال تتخلله برامج ترفيهية وتعليمية وتربوية؟! ..أنا لم أسمع...
•هل سمعتم أن المجلس البلدي خصص أحدى جلساته لبحث الخدمات المقدمة للأطفال في المحافظة؟! ..أنا لم أسمع
ألم أقل لكم أن الطفولة عندنا لم تتغير .... منذ مبطي ..!!

لا

لا

لا ماسمعت شي ...

وبالأخير ردد معي:

الا ليت الزمن يرجع ورى والا الليالي تدور
ويرجع وقتنا الأول وننعم في سعادتنا
زمان أول أحس انه زمان فيه صدق شعور
ياليتهبس لو يرجع نعدل وضع عيشتنا

وماغير عيال حارتنا ونكسر الطبشور وننط السور ولين أخر القصيده
اللي أحس أني انا اللي كتبتها وانا مدري منهي له


أهم شي تحمل دلاختي ولايصير بالخاطر شي وانا أخوك ب جازلي الماضوع
وقلت أبضحك معك مبطين عن الضحك

مية ورده ولد الشايب وبإنتظارك